قوعامدىق تاماقتانۋ ورىندارى قانتتى مينيسترلىك ۋادە ەتكەن باعامەن الا الماي وتىر
«2-تامىزدا ءبىزدىڭ قاۋىمداستىققا اۋىل شارۋاشىلىعى ۆيتسە- ءمينيسترى قانتتىڭ ارنايى باعامەن بەرىلەتىنىن ءمالىم ەتتى. وعان رۇقسات تا بەردى. ال ەندى تاياۋدا ءۇندى قانتىنا قاتىستى قىلمىستىق ءىس قوزعالعانى بەلگىلى بولدى. ياعني ونىڭ قۇرامىنان دەنساۋلىققا زيان تۇزدار تابىلىپتى. ءبىراق كاسىپكەرلەر 21 كۇن بويى اۋىل شارۋاشىلىعى مينيسترلىگى ۋادە ەتكەن باعامەن قانت الا الماي كەلەدى»، - دەدى قاۋىمداستىق وكىلى ۆەرونيكا نۇرپەيىسوۆا ەلوردا كاسىپكەرلەرىمەن كەزدەسۋ بارىسىندا.
بۇل اقپاراتتى نۇر- سۇلتان قالاسى اكىمنىڭ ورىنباسارى ەرلان بەكمۇرزايەۆ راستادى. ونىڭ ايتۋىنشا، اۋىل شارۋاشىلىعى ۆيتسە- ءمينيسترى ءۇندىستاننان اكەلىنەتىن قانتتىڭ ءبىر بولىگىن بەرۋگە ۋادە ەتكەن. دەگەنمەن قازىر ءۇندى قانتىنىڭ قۇرامىنا بايلانىستى ەلدىڭ بىرنەشە وڭىرىندە تەكسەرىس جۇمىستارى ءجۇرىپ جاتىر.
«وسىعان بايلانىستى ساۋدا جانە ينتەگراتسيا ءمينيسترى سەرىك جۇمانعارين سەنبى كۇنى ءبىزدى جينادى. مينيسترلىككە قوسىمشا قانت ساتىپ الۋ تاپسىرىلدى. اتاپ ايتقاندا، ۆەدومستۆو قوسىمشا كەلىسىمشارت جاساسقان. ەندى اتالعان تەكسەرىس جۇمىستارىنىڭ ناتيجەسىن كۇتپەي، جاڭا شارت نەگىزىندە قانت اكەلىنەدى»، - دەپ تۇسىنىكتەمە بەردى ەرلان بەكمۇرزايەۆ.
ەسكە سالايىق، بۇعان دەيىن اۋىل شارۋاشىلىعى مينيسترلىگى كۇزگە قاراي ەلىمىزگە قانت جەتكىزۋ جاعدايى تۇراقتالىپ، باعا تۇسەتىنىن مالىمدەپ ەدى.
