بەيجىڭدە قازاقستان تۋريزمىنىڭ الەۋەتى تانىستىرىلدى
ق ر مادەنيەت جانە سپورت ءمينيسترى داۋرەن ابايەۆ ءوز سوزىندە كورمە قازاقستاننىڭ تۋريستىك باعىتىمەن، مادەنيەتىمەن، داستۇرىمەن جانە تاريحىمەن جاقىنىراق تانىسۋعا مۇمكىندىك بەرەتىنىن اتاپ ءوتتى.
ق ر- نىڭ ق ح ر- داعى ەلشىسى شاحرات نۇرىشيەۆ كورمە قوناقتارى مەن كەلۋشىلەرىن قازاقستاننىڭ تۋريزم سالاسىنداعى الەۋەتى تۋرالى حاباردار ەتىپ، ەلىمىزدە تۋريزمنىڭ ەكولوگيالىق، مادەني، تانىمدىق، سپورتتىق تۇرلەرى بارىن جەتكىزدى.
ءىس-شارانىڭ رەسمي بولىمىنەن كەيىن كەلۋشىلەرگە قازاقستان تۋريزمىنىڭ بارلىق پەرسپەكتيۆالى تۇرلەرى كورسەتىلىپ، تانىستىرىلدى. سوڭىندا كونسەرتتىك باعدارلاما بولدى.
كورمە ەل استاناسىنداعى شوۋگان ساياباعىنداعى «چجۋنگۋانتسۋن» يننوۆاتسيالىق ورتالىعىندا ءوتىپ جاتىر. ءىس-شاراعا ق ح ر مينيسترلىكتەرى مەن ۆەدومستۆولارىنىڭ، ش ى ۇ حاتشىلىعىنىڭ وكىلدەرى قاتىستى.
