ريم پاپاسى ەلوردادا اشىق اسپان استىندا ءدىني ءراسىم وتكىزەدى

نۇر-سۇلتان. قازاقپارات - ەلوردادا ريم پاپاسىنىڭ قاتىسۋىمەن ءدىني ءراسىم وتەدى، دەپ حابارلايدى قازاقپارات ءتىلشىسى.

«قازاقستان كاتوليكتەرى ءۇشىن كوپتەن كۇتكەن وقيعا جاقىنداپ كەلەدى. ريم پاپاسى فرانسيسك سەزگە كەلۋ ساپارى اياسىندا اشىق اسپان استىندا مەسسا ءراسىمىن وتكىزەدى.

ءىس-شارا 14-قىركۇيەك كۇنى ساعات 16:45-تە ماڭگىلىك ەل داڭعىلى، B1 مەكەن- جايىندا (Nur Alem پاۆيلونى الدىنداعى الاڭ - EXPO حالىقارالىق كورمە ورتالىعىنىڭ اۋماعى، ستەللانىڭ جانىندا) وتەدى. كىرۋ تەگىن»، - دەپ جازدى الەمدىك جانە ءداستۇرلى دىندەر كوشباسشىلارىنىڭ VII سەزىنىڭ رەسمي وكىلى نازىم جانعازينوۆا Facebook پاراقشاسىندا.

ايتۋىنشا، شاراعا كەز كەلگەن ءدىن مەن كونفەسسيا وكىلدەرى قاتىسا الادى.

«ءتارتىپ ەرەجەلەرى، سونداي-اق مەسسابولاتىن دەرگە قالاي جەتۋگە بولاتىنى تۋرالى تولىق اقپاراتتى قازاقستاننىڭ كاتوليكتەر شىركەۋىنىڭ رەسمي سايتىنان قاراۋعا بولادى»، - دەپ جازادى فورۋمنىڭ رەسمي وكىلى.

سونداي-اق، كاتوليكتەردىڭ شاراعا قاتىسۋى بولەك رەتتەلەتىنى ايتىلعان. ول ءۇشىن ءدىن ۇستانۋشىلار 30-تامىزعا دەيىن بيلەت الىپ، تىركەۋگە ءوتۋى كەرەك.

«ايتا كەتۋ كەرەك، قوناقتاردان كەپتەلىس تۋدىرماس ءۇشىن جەكە كولىكسىز كەلۋدى سۇرايدى. ىڭعايلى بولۋ ءۇشىن ارنايى اۆتوبۋستار ۇيىمداستىرىلادى. جينالۋ ورىندارىن كاتوليك شىركەۋىنىڭ ۆەب- سايتىنان دا تابۋعا بولادى»، - دەپ جازادى نازىم جانعازينوۆا.

بۇعان دەيىن ريم پاپاسىنىڭ قازاقستانعا مەملەكەتتىك ساپارىنىڭ جوسپارى جاريالانعان ەدى.

اۆتور ەسىمجان ناقتىباي