قازاقستاندىقتار تاعى ءبىر مەملەكەتكە ۆيزاسىز بارا الادى

نۇر-سۇلتان. قازاقپارات - قازاقستاندىقتار ەندى پەرۋ رەسپۋبليكاسىنا 30 كۇنگە ۆيزاسىز بارا الادى. بۇل تۋرالى ۇكىمەتتىڭ ءتيىستى قاۋلىسى «اشىق» نقا سايتىندا جاريالاندى، دەپ حابارلايدى قازاقپارات ءتىلشىسى.

«جارامدى جول ءجۇرۋ قۇجاتتارى بار ق ر ازاماتىنان پەرۋ رەسپۋبليكاسىنا 30 كۇننەن اسپايتىن ۋاقىتقا ءبىر نەمەسە بىرنەشە رەت بارعاندا، ترانزيتپەن وتكەندە جانە ۋاقىتشا بولعان كەزدە ولاردان ۆيزالىق تالاپتار سۇرالمايدى. پەرۋ رەسپۋبليكاسىنىڭ اۋماعىندا بولعان كەزدە ءوزىنىڭ قۇجاتتارىن جوعالتقان قازاقستان رەسپۋبليكاسىنىڭ ازاماتى سول ەلدەگى قازاقستان ەلشىلىگىنە نەمەسە كونسۋلدىق بولىمشەلەرىنە بارىپ، وكىلدىكتەر ۇسىنعان ۋاقىتشا قۇجات ارقىلى پەرۋ اۋماعىنان تىس جەرلەرگە شىعا الادى»، - دەلىنگەن قاۋلىدا.

قازاقستان رەسپۋبليكاسىنىڭ ازاماتىندا بولۋى ءتيىس قۇجاتتار:

- ديپلوماتيالىق پاسپورت؛

- قىزمەتتىك كۋالىك؛

- قازاقستان رەسپۋبليكاسىنىڭ ازاماتى ەكەنىن راستايتىن كۋالىك؛

- قازاقستان رەسپۋبليكاسىنا قايتىپ ورالۋعا ارنالعان كۋالىك.

قۇجاتقا سايكەس، توتەنشە جاعداي نەمەسە وزگە دە وقىس وقيعاعا تاپ بولىپ، پەرۋ تەرريتورياسىنان كەتۋ مۇمكىندىگى بولماعان قازاقستاندىقتار سول ەلدىڭ قۇزىرەتتى ورگاندارىنا ءوتىنىش بەرىپ، تۇرۋ مەرزىمىن ۇزارتا الادى.