قورعانىس مينيسترلىگى اسكەردەگى سۋيتسيد فاكتىلەرىنىڭ جيىلەۋىن ءتۇسىندىردى
«سوڭعى كەزدەرى ەلىمىزدىڭ كۇشتىك قۇرىلىمدارىندا ورىن العان وزىنە- ءوزى قول جۇمساۋ فاكتىلەرىنىڭ جيىلەۋى ءتۇسىندىرۋدى قاجەت ەتەدى. اسكەري قىزمەتشىنىڭ ءولىمى تەك قارۋلى كۇشتەردە عانا ەمەس، باسقا دا اسكەر تۇرلەرىندە ورىن الىپ وتىر. باعىنىشتىلاردىڭ ءومىرى مەن دەنساۋلىعىنا ۇ ق ك شەكارا قىزمەتى، ءى ءى م ۇلتتىق ۇلانى، مەملەكەتتىك كۇزەت قىزمەتى جانە توتەنشە جاعدايلار مينيسترلىگى دە جاۋاپتى. بەيبىت ۋاقىتتا اتالعان كۇشتىك قۇرىلىمدار قارۋلى كۇشتەردىڭ قۇرامىنا كىرمەيدى جانە قورعانىس مينيسترلىگى ولاردىڭ قاۋىپسىزدىگىن باقىلامايدى. وزىنە- ءوزى قول جۇمساۋ سياقتى شاراسىز قادامعا بارۋ ول ادامنىڭ تۋىستارى مەن جاقىندارى ءۇشىن ۇلكەن قايعى. كومانديرلەرگە دە جاۋىنگەردەن ايىرىلۋ اۋىر شىعىن. قارۋلى كۇشتەردە بولعان ءاربىر جاعدايدى اسكەري پوليتسيا قىزمەتكەرلەرى جانە باسقا دا قىلمىستىق قۋدالاۋ ورگاندارى مۇقيات تەكسەرەدى. تەكسەرۋ ناتيجەلەرى وزىنە- ءوزى قول جۇمساۋ كوپ جاعدايدا اسكەري قىزمەتپەن بايلانىستى ەمەس ەكەنىن كورسەتتى. اسكەرگە شاقىرۋعا دەيىنگى كەزەڭدە اسكەري قىزمەتشىلەردى وسىنداي ارەكەتكە يتەرمەلەيتىن ءار ءتۇرلى ومىرلىك جاعدايلار كەزدەسەتىنىن ەسكەرۋ كەرەك»، - دەلىنگەن مينيسترلىك حابارلاماسىندا.
قازىرگى ۋاقىتتا قورعانىس مينيسترلىگىنىڭ باستاماسىمەن عىلىم، قۇقىق قورعاۋ ورگاندارى مەن ۇكىمەتتىك ەمەس ۇيىمدار وكىلدەرىنىڭ قاتىسۋىمەن اسكەري ورتادا ورنى تولماس شىعىندى بارىنشا ازايتۋعا جانە سۋيتسيدتىڭ الدىن الۋعا باعىتتالعان «ءومىردى ساقتا» كەشەندى باعدارلاماسى ازىرلەنىپ جاتىر.
ايتا كەتسەك، دەمالىس كۇندەرى ءبىرقاتار ب ا ق جامبىل وبلىسىندا جاۋىنگەر وزىنە قول سالعانى تۋرالى اقپارات تارتتى.
جالپى بيىل قارۋلى كۇشتەردە 7 سۋيتسيد ارەكەتى تىركەلىپ، تورتەۋى قايعىلى اياقتالعان. سونىمەن قاتار ق ر قورعانىس ءمينيسترىنىڭ ورىنباسارى دارحان احمەدييەۆ اسكەريلەر اراسىنداعى سۋيتسيدكە تولەنبەگەن نەسيەلەر دە سەبەپكەر بولىپ جاتقانىن ايتتى.
