سارى مايعا سۇرانىس ارتىپ، ءوندىرىس ازايعان
«وڭىرلەر اراسىندا سارى ماي باعاسى ماڭعىستاۋ وبلىسىندا قاتتى قىمباتتاعان - جىل باسىنان بەرى % 29 ءوسىم بار. جالپى رەسپۋبليكا بويىنشا قاڭتار- شىلدەارالىعىندا 13,9 مىڭ توننا سارى ماي ءوندىرىلدى. بۇل بىلتىرعى كەزەڭمەن سالىستىرعاندا % 12,6 كەم. قاڭتار- مامىر ارالىعىندا وتاندىق وندىرۋشىلەر سارى مايعا دەگەن سۇرانىستى % 71 قامتاماسىز ەتە العان. بىلتىر بۇل كورسەتكىش % 83,6 بولعان ەدى. سونىڭ اسەرىنەن يمپورت بىردەن % 83,5 ارتقان»، - دەپ جازىلعان ساراپتامادا.
شىلدەنىڭ قورتىنىدىسى بويىنشا تۇزدالماعان سارى مايدىڭ باعاسى ءبىر ايدا % 1,2، ءبىر جىلدا % 17 وسكەن. ال جىل باسىنان بەرگى ءوسىم % 14,7 بولىپ وتىر.
«تۇزدالماعان سارى مايدىڭ رەسپۋبليكاداعى ورتاشا باعاسى كەلىسىنە 3,3 مىڭ تەڭگە كولەمىندە. ءىرى قالالار اراسىندا پاۆلوداردا بىركەلى ماي باعاسى 2,7 مىڭ تەڭگە بولسا، اتىراۋدا 4,3 مىڭ تەڭگەگە جەتكەن.
جىل باسىنان بەرى باعانىڭ قاتتى قىمباتتاۋى ماڭىستاۋ وبلىسىندا تىركەلدى، باعا بىردەن % 29 وسكەن. ودان كەيىن شىمكەنت قالاسى (%26,7) مەن جامبىل وبلىسى (%26,4) تۇر. ال نۇر- سۇلتان (%3) قالاسى مەن الماتى (%5,6) جانە پاۆلودار (%7,2) وبلىستارىندا باعا بارىنشا باياۋ ءوسىپ جاتىر»، - دەپ جازادى Energyprom.kz.
