09:02, 22 - تامىز 2022 | GMT +5
تالدىقورعان پوليتسياسى كوشەدە ايەلدى سوققىعا جىققان ەر ادامدى ىزدەپ جاتىر
تالدىقورعان. قازاقپارات - جەتىسۋ وبلىسىندا ايەلدى سوققىعا جىققان ەر ادامعا قاتىستى تەرگەۋ باستالدى، دەپ حابارلايدى قازاقپارات.
الەۋمەتتىك جەلىدە ەر ادامنىڭ ايەل ادامعا كوشەدە كۇش كورسەتىپ جاتقان ۆيدەوسى تارادى.
«بەينەجازبا نازارعا الىنعانىن حابارلايمىز. اتالعان وقيعا 20- تامىز كۇنى كەشكە تالدىقورعان قالاسىنداعى قابانباي باتىر مەن اقىن سارا كوشەلەرىنە جاقىن جەردە ورىن العانى بەلگىلى بولدى» دەپ مالىمدەدى ىشكى ىستەر مينيسترلىگىنىڭ باسپا ءسوز قىزمەتى.
قالالىق پوليتسياعا ارىز بەن ءوتىنىش تۇسكەن جوق.
وعان قاراماستان فاكتى بويىنشا جانجالعا قاتىسۋشىلاردى انىقتاۋعا باعىتتالعان قاجەتتى ىزدەستىرۋ ءىس- شارالارى ۇيىمداستىرىلدى.
پوليتسيا زارداپ شەككەن ايەل مەن وقيعا كۋاگەرلەرىن 87028079427- نەمەسە 102 نومىرلەرى بويىنشا حابارلاسۋدى سۇرايدى.
رەداكتور
جانات قاپالبايەۆا
