قازاقستاندىق ەكى سپورتشى بولگارياداعى الەم چەمپيوناتىنىڭ فينالىندا باق سىنايدى

سوفيا. قازاقپارات - قازاقستاندىق گرەك-ريم كۇرەسىنىڭ شەبەرلەرى وسى كەزدە بولگاريا استاناسى سوفيادا 20 جاسقا دەيىنگى بالۋاندار اراسىندا ءوتىپ جاتقان الەم چەمپيوناتىنىڭ جارتىلاي فينالىنا شىقتى، دەپ حابارلايدى قازاقپارات Sports.kz سايتىنا سىلتەمە جاساپ.

قازاقستاندىق دىنمۇحاممەد قوشقار 67 كەلىگە دەيىنگى سالماقتا ازەربايجاندىق بالۋان كانان ابدۋللازادەمەن كەزدەسەدى.

97 كەلىگە دەيىنگى سالماقتا ونەر كورسەتەتىن تاعى ءبىر قازاقستاندىق سپورتشى يۋسۋف ماتسيەۆ تە جارتىلاي فينالعا شىقتى. ول قىرعىزستاندىق بالۋان نۇرمانبەت رايمالى ۇلىمەن بەلدەسەدى.

سوفياداعى جارىستا قازاقستاندىق سپورتشىلار وسىعان دەيىن ايەلدەر كۇرەسىنەن ەكى «قولا» العان بولاتىن.