ماگيستراتۋراعا تۇسكەندەردىڭ ءتىزىمى قاشان جاريالانادى؟

نۇر-سۇلتان. قازاقپارات - ماگيستراتۋراعا تۇسكەندەردىڭ ءتىزىمى الداعى اپتادا جاريالانادى، دەپ حابارلايدى قازاقپارات ءتىلشىسى.

«ماگيستراتۋرادا ءبىلىم الۋعا بۇگىندە رەسپۋبليكا بويىنشا 17 مىڭعا جۋىق ادامنان ءوتىنىش كەلىپ ءتۇستى. گرانت يەگەرلەرىنىڭ ءتىزىمى عىلىم جانە جوعارى ءبىلىم مينيسترلىگىنىڭ تەلەگرام-كانالىندا 25-تامىزعا دەيىن جاريالانادى»، - دەلىنگەن اتالعان ۆەدومستۆونىڭ مالىمەتىندە.

سونىمەن قاتار قازىرگى كەزدە دوكتورانتۋراعا ءتۇسۋ ەمتيحاندارى ءجۇرىپ جاتىر. بۇل ەمتيحاندار 20- تامىزعا دەيىن جالعاسادى. ەمتيحان ناتيجەسى كەلەسى كۇنى دوكتورانتۋراعا تۇسەتىن ادامنىڭ «جەكە كابينەتىندە» جاريالانادى. ال اپەللياتسياعا ارنالعان ءوتىنىش ناتيجە جاريالانعاننان كەيىن كەلەسى كۇنى ايماقتىق تەستىلەۋ ورتالىقتارى بازاسىندا قابىلدانادى.

بۇدان بۇرىن حابارلانعانداي، ماگيستراتۋراعا ءبىلىم بەرۋ گرانتىن تاعايىنداۋ كونكۋرسى 16-20- تامىز ارالىعىندا وتەدى. جالپى 2022-2023- وقۋ جىلىنا ماگيستراتۋرا بويىنشا 13 مىڭنان استام گرانت ءبولىندى.

وسى اپتانىڭ باسىندا ەلىمىزدە دوكتورانتۋراعا ءتۇسۋ ەمتيحاندارى باستالدى.