ەلورداداعى اينالما جولدان اتىس قارۋلارى تابىلدى

نۇر-سۇلتان. قازاقپارات - استانادا 8- تامىز بەن 8- قىركۇيەك ارالىعىندا پوليتسيا جانە ارنايى قىزمەتتەردىڭ بىرلەسۋىمەن «ۋچاسكە» جەدەل الدىن الۋ ءىس-شاراسى ءوتىپ جاتىر، دەپ حابارلايدى قازاقپارات Polisia.kz سايتىنا سىلتەمە جاساپ.

«11- تامىز كۇنى ساعات 17:10 دە ەلوردالىق كريمينالدىق پوليتسيا باسقارماسى، ۇ ق ك د جانە م ك ق قىزمەتكەرلەرى «الماتى - ەكاتەرينبۋرگ» تاس جولى بويىنداعى ورمان ەكپەلەرىندە، اينالما جولدان 900 مەتر قاشىقتىقتا، شوپتەردىڭ اراسىنان قارۋ جاسىرىلعان ورىندى تاپتى.

تەكسەرۋ كەزىندە قولدان جاسالعان، وقسىز اتىلاتىن كالاشنيكوۆ اۆتوماتى جانە قولدان جاسالعان، 9 م م كاليبرلى 7 پاترونى بار «م ر-371» سيگنالدى تاپانشاسى تابىلدى. ەكى قارۋ دا اتۋعا جارامدى.

اتالعان فاكتى بويىنشا سوتقا دەيىنگى تەرگەۋ امالدارى باستالدى. قاجەتتى ساراپتامالار تاعايىندالدى»، - دەلىنگەن سايت حابارلاماسىندا.