تارباعاتايعا جاڭا اكىم تاعايىندالدى

وسكەمەن. قازاقپارات - شىعىس قازاقستان وبلىسى تارباعاتاي اۋدانىنىڭ اكىمى بولىپ دارحان جورگەكبايەۆ تاعايىندالدى، دەپ حابارلايدى قازاقپارات ءتىلشىسى.

دارحان شومپاي ۇلى 1979 -جىلى شىعىس قازاقستان وبلىسى تارباعاتاي اۋدانى اقجار اۋىلىندا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن «قازاقستان تاريحى» ماماندىعى، الماتى ەكونوميكا جانە ستاتيستيكا اكادەمياسىن «قارجى» ماماندىعى بويىنشا ءتامامداعان.

ەڭبەك جولىن 2003 -جىلى شقو ستاتيستيكا دەپارتامەنتىنىڭ باس مامانى بولىپ باستادى. 2005-2011 -جىلدارى تارباعاتاي اۋداندىق ستاتيستيكا باسقارماسىنىڭ باسشىسى بولعان.

2011-2015 -جىلدارى ارالىعىندا ۇلان اۋداندىق ستاتيستيكا باسقارماسىنىڭ باسشىسى لاۋازىمىن اتقاردى. 2015-2019 -جىلدارى اياگوز اۋدانى اكىمىنىڭ ورىنباسارى بولىپ ەڭبەك ەتتى.

2019-2021 -جىلدارى ۇلان اۋدانى اكىمىنىڭ ورىنباسارى قىزمەتىن اتقارعان. 2021 -جىلدىڭ ماۋسىم ايىنان باستاپ وسى ۋاقىتقا دەيىن سەمەي قالاسى اكىمىنىڭ ورىنباسارى بولدى.