وميكرون شتامىنىڭ اسا جۇقپالى ءتۇرى تابىلدى

نۇر- سۇلتان. قازاقپارات - كوروناۆيرۋستىڭ «وميكرون» شتامىنىڭ ۆ ا-2,75 جاڭا نۇسقاسى ءۇندىنىڭ دەلي تۇرعىندارىنان الىنعان 90 سىناقتان تۇراتىن تەستىلىك بيوماتەريالدىڭ پارتياسىنان تابىلدى، دەپ حابارلايدى قازاقپارات.

ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ حابارلاۋىنشا، جاڭا شتامم «وميكروننىڭ» الدىڭعى نۇسقالارىنا قاراعاندا ۆيرۋلەنتتى (اۋرۋ تۋدىرۋعا كوبىرەك قابىلەتتى). ول ۆاكسيناتسيا كەزىندە نەمەسە اۋرۋدان كەيىن الىنعان كوۆيدكە انتيدەنەلەرى بار ادامداردىڭ اعزالارىنا بەلسەندى ەنەدى.

ۆ ا-2,75 نۇسقاسى بۇرىن الەمنىڭ كوپتەگەن ەلدەرىندە تابىلعان. بۇل نۇسقادا اۋرۋدىڭ اعىمى «وميكرون» شتامىنىڭ ەڭ كوپ تارالعان ۆا نۇسقاسىنان گورى اۋىر ەمەس دەپ سانالادى. دەگەنمەن، ۆ ا نۇسقاسى سياقتى، قارت ادامدار مەن سوزىلمالى اۋرۋلارمەن اۋىراتىن ادامداردا سىرقاتتىڭ اعىمى اۋىر ءوتۋى مۇمكىن.