20:25, 10 - تامىز 2022 | GMT +5
ەلوردادا ساتىلىپ جاتقان كومىر باعاسى بەلگىلى بولدى
نۇر-سۇلتان. قازاقپارات - ەلوردادا ساتىپ جاتقان كومىردىڭ ەڭ ارزانىنىڭ 1 تونناسىن قازىرگى ۋاقىتتا 10 مىڭ تەڭگەدەن الۋعا بولادى، دەپ حابارلايدى قازاقپارات ءتىلشىسى.
نۇر-سۇلتان قالاسى اكىمدىگىنىڭ «قالالىق مونيتورينگ جانە جەدەل ارەكەت ەتۋ ورتالىعى» - iKOMEK109 مالىمەتىنشە، بۇگىندە ەلوردادا پاۆلودار وبلىسىنىڭ اۋماعىنداعى بوگاتىر كومىر كەنىشى ءونىمىنىڭ تونناسىن 10 مىڭ تەڭگەدەن ساتىپ الۋعا بولادى.
سونىمەن قاتار وسى وبلىستىڭ اۋماعىنا كىرەتىن باياناۋىل اۋدانىنداعى مايكوبە كەنىشىنىڭ قوڭىر كومىرىنىڭ ءبىر تونناسى ساپاسىنا قاراي 11000 تەڭگەدەن باستالىپ، 12500 تەڭگەگە دەيىن ساۋدالانىپ جاتىر.
قاراعاندى كومىرىنىڭ دە باعاسى 12500 تەڭگەگە توڭىرەگىندە.
اباي وبلىسىنىڭ اباي اۋدانىندا ورنالاسقان قاراجىرا كەنىشىنىڭ كومىرىن 13500-14000 تەڭگەدەن الۋعا مۇمكىندىك بار.
ەلورداداعى ەڭ قىمبات كومىر شۇباركول كەنىشىنە تيەسىلى.
بۇل كەنىشتىڭ كومىرىن ەلوردادا ءبىر تونناسىن 13500-15500 تەڭگە ارالىعىندا ساتىپ الۋعا بولادى.
