جاڭا قازاقستان ازاماتتارىنا ارنالعان «ابايدىڭ كىسىلىك كودەكسى» قۇراستىرىلدى

الماتى. قازاقپارات- جاڭا قازاقستان ازاماتتارىنا ارنالعان «ابايدىڭ كىسىلىك كودەكسى» قۇراستىرىلدى.

بۇل تۋرالى ونلاين بريفينگ بارىسىندا ءال- فارابي اتىنداعى قاز ۇ ۋ جانىنداعى اباي عىلىمي- زەرتتەۋ ينستيتۋتىنىڭ جەتەكشى عىلىمي قىزمەتكەرى، فيلولوگيا عىلىمدارىنىڭ كانديداتى، دوتسەنت ءلايلا مۇسالى ءمالىم ەتتى، دەپ حابارلايدى قازاقپارات ءتىلشىسى.

سپيكەردىڭ سوزىنشە، 2009 -جىلى قۇرىلعان اباي ينستيتۋتى ءوز جۇمىسىن ۇزدىكسىز جالعاستىرىپ كەلەدى. نەگىزگى باعىتى - ۇلى اقىننىڭ ءومىرى مەن شىعارماشىلىق مۇراسىن قوعامدىق گۋمانيتارلىق عىلىم سالالارىنىڭ توعىسىندا زەرتتەۋ.

«ع ز ي ەلىمىزدە العاش رەت «اباي تانۋ. تاڭدامالى ەڭبەكتەر» اتتى 50 تومدىق جيناقتى قۇراستىرىپ شىقتى. تاڭدامالى ەڭبەكتەردىڭ» 50 تومدىق باسىلىمى نەگىزىندە ىرىكتەلىپ «اباي تانۋ انتولوگياسىنىڭ» 10 تومدىعى دايىندالدى»، - دەيدى ول.

سونىمەن قاتار، ول جاڭا قازاقستان ازاماتتارىنا ارنالعان «ابايدىڭ كىسىلىك كودەكسى» قۇراستىرىلعانىن ءمالىم ەتتى.

ايتۋىنشا، بۇل قازىرگى قوعامنىڭ الەۋمەتتىك مىنەز- قۇلقىن رەتتەيتىن زاڭدىق كۇشى بار قۇجات. «ابايدىڭ كىسىلىك كودەكسى» - ابايدىڭ تاڭدامالىق دانالىق جانە قارا سوزدەرىندەگى كەمەل ادام، تولىق ادام قالىپتاسىپ شىعۋ جولىنداعى حالىققا ايتقان وسيەتتەرى ىرىكتەلىپ الىندى»، - دەدى ءلايلا مۇسالى.

سپيكەر سونداي-اق اباي تانۋ انتولوگياسى اتتى ينتەللەكتۋالدىق بازاسى اشىلعانىن جەتكىزدى. بۇل بازا قازاقستاننىڭ ءبىلىم جانە عىلىم جۇيەسى ءۇشىن، جالپى دۇنيەجۇزى قازاقتارىنا جول اشاتىن يگىلىكتى ۇلكەن بازاعا اينالۋى ءتيىس.

«مەملەكەت باسشىسى الداعى ۋاقىتتا گۋمانيتارلىق پاندەردىڭ بولىنبەس بولشەگى رەتىندە اباي تانۋ كۋرسىن وقىتۋ كەرەك دەپ ناقتى مىندەت قويدى. وسى باعىتتا قازۇۋ جانىندا اباي عىلىمي- زەرتتەۋ ينستيتۋتى ويشىل اقىننىڭ مۇراسى مەن اباي تانۋ بويىنشا ەڭبەكتەردى عىلىمي اينالىمعا ەنگىزۋ ماقساتىندا ناقتى جۇمىستار اتقارىپ كەلەدى. اباي ءىلىمىن ءبىلۋ جوباسى اياسىندا اباي توكسانومياسى ماسەلەسى كوتەرىلۋدە. اباي تاكسونومياسى اتتى جاڭا عىلىمي باعىتتى نەگىزدەپ جاتىرمىز. وسى جۇمىستاردىڭ اياسىندا تەك قاز ۇ ۋ- دە عانا ەمەس، بارلىق ج و و-دا جالپى ءبىلىم بەرەتىن پاندەر قاتارىنا قوسۋدى ۇسىنامىز»، - دەدى ءلايلا مۇسالى.

ايتا كەتەيىك، ەلىمىزدە 2020 -جىلى ۇكىمەت قاۋلىسىمەن 10-تامىز - اباي كۇنى دەپ بەلگىلەندى.

اۆتور الما مۇقانوۆا