ورالدا كاسىپكەردى ولتىرگەن كۇدىكتىلەر ۇستالدى

ورال. قازاقپارات - ورال قالاسىندا كاسىپكەردى ولتىرگەن كۇدىكتىلەر ۇستالدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتى باستىعىنىڭ ءبىرىنشى ورىنباسارى جانبولات جانشيننىڭ بريفينگتە ءمالىم ەتكەنىندەي، كۇدىكتىلەر بۇگىن شامامەن 10.30 دا «كوكتەم» ساياجايىندا تىعىلىپ جاتقان جەرىنەن قولعا ءتۇستى.

«1991 جانە 2001-جىلعى كۇدىكتىلەر قاشۋعا تىرىسقانىمەن، پوليتسەيلەردەن قۇتىلعان جوق. قىلمىس ورىن العاننان بەرى وبلىس بويىنشا كەڭ كولەمدە ىزدەستىرۋ جۇمىستارى جۇرگىزىلدى. وعان ۇلتتىق ۇلان جاۋىنگەرلەرى دە تارتىلدى. قازىرگى كەزدە اتالعان قىلمىستىق ءىس ق ر ق ك 99-بابى 2-بولىگىنە سايكەس قايتا سارالاندى. بۇل باپ بويىنشا ايىپتى دەپ تانىلعان ادام 20 جىلدان باستاپ ءومىر بويىنا باس بوستاندىعىنان ايىرىلۋى مۇمكىن. قىلمىستىق ءىس ق ر ىشكى ىستەر مينيسترلىگىنىڭ باقىلاۋىندا»، دەدى ج. جانشين.

ەسكە سالا كەتەيىك، ورالدا بىرنەشە جەردەن پىشاق جاراقاتىن العان ەر ادامنىڭ مۇردەسى تابىلعانىن، كۇدىكتىلەرگە ىزدەۋ جاريالانعانىن جازعان بولاتىنبىز.

سونداي-اق ورالدا كاسىپكەردىڭ ولىمىنە بايلانىستى جاڭا دەرەكتەر انىقتالدى.