اسكەري سالاداعى بايلانىس كەشەندەرىنىڭ جاعدايى قانداي

نۇر- سۇلتان. قازاقپارات - بايلانىس دەپارتامەنتىنىڭ باعىت اعا وفيتسەرى، پولكوۆنيك نۇرلان قالمانوۆ قارۋلى وتاندىق وندىرىستەردە زاماناۋي اسكەري بايلانىس قۇرالدارىن شىعارىلىپ جاتقانىن ايتتى، دەپ حابارلايدى قازاقپارات ءتىلشىسى.

«قازىر بايلانىس ساپالى بولۋى ءۇشىن ۇنەمى دامۋ جاعدايىنا ءمان بەرىپ وتىرۋ كەرەك. اقپارات تاراتۋ جۇيەسى قارقىندى دامىپ كەلە جاتقانىن ەسكەرسەك، اسكەري بايلانىستىڭ دا زاماناۋي تالاپتارعا ساي بولعانى ابزال. سول سەبەپتى ق ر قورعانىس مينيسترلىگىنىڭ باسشىلىعى اسكەري بايلانىستىڭ جابدىقتالۋى مەن دامۋىنا اسا ءمان بەرىپ وتىر. سوندىقتان بايلانىستىڭ ساپاسى مەن قاۋىپسىزدىگىنە جوعارى تالاپتار قويىلعان»، - دەدى ن. قالمانوۆ ونلاين بريفينگى بارىسىندا.

ونىڭ ايتۋىنشا، قارۋلى كۇشتەردىڭ بايلانىس دەپارتامەنتى وتاندىق قورعانىس ونەركاسىبى كەمەكەمەلەرىمەن بىرلەسە وتىرىپ اۋقىمدى جۇمىستى اتقارىپ جاتىر.

«ەسكىرگەن اسكەري تەحنيكالار زاماناۋي تالاپتارعا ساي كەلەتىن سيفرلى تەحنولوگيالارمەن الماستىرىلدى. قازىرگى كەزدە قارۋلى كۇشتەردىڭ قولدانىسىندا سيفرلى راديوستانسيالار، كوماندالىق باسقارۋ شتابتىق ماشينالارى، راديورەلەيلىك ستانسيالار جانە سپۋتنيكتىك بايلانىس كەشەندەرى بار. اتاپ ايتقاندا، وسى سوڭعى بۋىندى اسكەري تەحنيكا وتاندىق كومپانيالاردا شىعارىلىپ جاتىر»، - دەدى ۆەدومستۆو وكىلى.

پولكوۆنيك نۇرلان قالمانوۆ قارۋلى اسكەري بايلانىس ماماندارىن دايارلاۋ جايىندا ايتىپ بەردى.

«زاماناۋي بايلانىس تەحنيكاسى بولسا، ونى مەڭگەرۋ ءۇشىن بىلىكتى ماماندار كەرەك. سوندىقتان بايلانىس ماماندىعى جوعارى ءبىلىمدى جانە ۇنەمى ىزدەنىستى تالاپ ەتەدى. جالپى بايلانىس سالاسىنداعى وفيتسەرلەر الماتىداعى راديوەلەكترونيكا جانە بايلانىس اسكەري- ينجەنەرلىك ينستيتۋتىندا دايارلانادى. وسى ورايدا قارۋلى كۇشتەر قاتارىنداعى وفتسەرلەر اتالعان ينستيتۋتتىڭ تۇلەكتەرى»، - دەدى ن. قالمانوۆ ونلاين بريفينگى بارىسىندا.

سونىمەن قاتار ول بۇل سالادا كىشى ماماندىقتى دايارلاۋ الماتى وبلىسىنداعى وقۋ ورتالىعىندا ىسكە اسىرىلىپ جاتقانىن ايتتى.

«وسى ورتالىق التى اي ىشىندە اسكەر قاتارىنا شاقىرتىلعان ساربازداردى بايلانىس سالاسىندا ءتيىستى ماماندىقتار بويىنشا دايارلايدى. بيىلدان باستاپ اتالعان ورتالىقتا ەكى ماماندىق بويىنشا ساربازدار وقىتىلادى. ياعني اسكەرگە شاقىرتىلعان سارباز اسكەري ماماندىقپەن قوسا، ازاماتتىق ماماندىقتى دا مەڭگەرىپ شىعادى. بۇل تۇرعىدا ۇيىنە ورالعاندا قوسىمشا ماماندىقپەن بارادى» ، - دەدى ۆەدومستۆو وكىلى.

بۇدان بۇرىن حابارلانعانداي، ەلىمىزدەگى كاسىپورىنداردا سپۋتنيكتىك اسكەري بايلانىس كەشەندەرى شىعارىلىپ جاتىر.

فوتو: gov.kz

اۆتور رۋسلان عابباسوۆ