گازادا پالەستينالىقتار مەن يزرايل اراسىنداعى اتىستى توقتاتۋ كەلىسىمى كۇشىنە ەندى
جۇما كۇنىنەن باستاپ يزرايل ۇشاقتارى گازاداعى نىساندارعا سوققى بەردى، ال يران قولداعان «پالەستينالىق يسلامدىق جيھاد» قارۋلى توبى جاۋاپ رەتىندە يزرايلگە جۇزدەگەن زىمىران جىبەرگەن. ترانسشەكارالىق اسكەري وپەراتسيالاردىڭ تولىق اۋقىمدى سوعىسقا اينالۋ قاۋپى ەگيپەتتىڭ دەلدالدىعى ارقىلى بەيبىت كەلىسىمدەرگە قول جەتكىزىلگەنشە ساقتالدى.
ب ۇ ۇ قاۋىپسىزدىك كەڭەسى زورلىق- زومبىلىقتىڭ كۇشەيۋىن تالقىلاۋ ءۇشىن دۇيسەنبىدە شۇعىل جينالىس وتكىزۋدى جوسپارلادى. وسى ايدا كەڭەسكە ءتوراعالىق ەتەتىن قىتاي ب ۇ ۇ قاۋىپسىزدىك كەڭەسىندە ب ا ءا- ءنىڭ ءوتىنىشى بويىنشا سەسسيا وتكىزۋدى جوسپارلاپ وتىر. يزرايل اۋە شابۋىلدارىنىڭ سالدارىنان 15-كە جۋىق سودىر قازا تاپتى. ونىڭ ىشىندە «پالەستينالىق يسلامدىق جيھادى» كومانديرلەرىنىڭ ءبىرى حالەد مانسۇر دا بار.
يزرايل اسكەري كۇشتەرىنىڭ مالىمەتىنشە، گازاداعى سودىرلار يزرايلگە قاراي 580-گە جۋىق زىمىران اتقان. ولاردىڭ كوپشىلىگى اۋە شابۋىلىنا قارسى قورعانىس قۇرالدارى ارقىلى اتىلعان، ەكەۋى يەرۋساليم باعىتىنا اتىلعان.
فوتو:usatoday.com
اۆتور اياۋلىم التىنبەك