مەكتەپتەگى دەنە شىنىقتىرۋ ساباعىن باعالاۋ جۇيەسى وزگەرتىلمەك

نۇر- سۇلتان. قازاقپارات - قازاقستانداعى مەكتەپتەردە دەنە شىنىقتىرۋ ساباعىنداعى باعالاۋ جۇيەسى وزگەرۋى مۇمكىن.

بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ دەپۋتاتتىق ساۋالعا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى. «قازىرگى كەزدە دەنە شىنىقتىرۋ ساباعىندا باعالاۋدى وزگەرتۋ ماسەلەسىن ۇلتتىق عىلىمي- پراكتيكالىق دەنە تاربيەسى ورتالىعىندا جۇمىس توبى قاراستىرىپ جاتىر»، - دەپ جازدى ە. توعجانوۆ دەپۋتاتتىق ساۋالعا جاۋاپ بەرە وتىرىپ.

سونىمەن قاتار ىبىراي التىنسارين اتىنداعى ۇلتتىق ءبىلىم اكادەمياسى بازاسىندا 5-9 سىنىپتار ءۇشىن «دەنە شىنىقتىرۋ» ساباعىنىڭ وقىتۋ باعدارلاماسىنا وزگەرتۋ مەن تولىقتىرۋ ەنگىزۋ جۇمىسى جۇرگىزىلىپ جاتىر. بۇدان بۇرىن حابارلانعانداي، مەكتەپ جاسىنداعى 2 ميلليون بالا دەنە شىنىقتىرۋ ۇيىرمەلەرىمەن قامتىلعان قازاقستاندا ەكى جىلدا 100 دەن استام دەنە شىنىقتىرۋ- ساۋىقتىرۋ كەشەنى سالىندى.