كانادا عالىمدارى: ۇمىتشاق ادامدار اقىلدىراق كەلەدى

نۇر- سۇلتان. قازاقپارات - كانادانىڭ تورونتو ۋنيۆەرسيتەتىنىڭ عالىمدارى زەرتتەۋ جۇرگىزىپ، ەستە ساقتاۋ قابىلەتى ناشار ادامدار ەشنارسەنى ەسىنەن شىعارمايتىن جاندارعا قاراعاندا اقىلدىراق كەلەتىنىن ايتتى.

ەگەر ءسىز ۆيكتوريناعا قاتىساتىن بولساڭىز، ءاربىر ۇساق- تۇيەكتى ەستە ساقتاۋ قابىلەتىڭىز كومانداداعى ەڭ ۇزدىك ويىنشى اتانۋىڭىزعا سەبەپشى بولۋى مۇمكىن. ءبىراق ءسىز ءوز ميىڭىزدىڭ بولماشى نارسەلەردى ەستە ساقتاۋعا تىرىسپايتىنىن بايقاساڭىز، بۇل ميدىڭ سىزگە قاجەتتى ماڭىزدى نارسەلەردى عانا ساقتاۋعا كۇش جۇمسايتىنىنىڭ بەلگىسى دەپ ءبىلىڭىز.

كانادانىڭ عالىمدار تويۋى گيپپوكامپتاعى (ميدىڭ ەستە ساقتاۋعا جاۋاپ بەرەتىن بولىگى) نەيروندار سانى اسا ماڭىزدى نارسەلەردى ەستە ساقتاۋعا ورىن بوساتۋ ءۇشىن ۇمىتشاقتىققا جول بەرەتىنىن انىقتادى. زەرتتەۋشىلەر ستەنلي كۋبوگىن 1982 -جىلى كىم جەڭىپ العانىن ەستە ساقتاۋ سەكىلدى ادامنىڭ اقىل- وي قابىلەتىمەن بايلانىستى قاسيەتتەر ماقتانۋعا تۇرارلىق ەمەس دەپ ەسەپتەيدى.

ەرتەدە ەستە ساقتاعان نارسەلەرىن تازالاۋعا ارنالعان دارىلەر بەرىلگەن تىشقانداردىڭ جولدى ەسىندە جاتتاپ قالعان تىشقاندارعا قاراعاندا لابيرينتتەن شىعار جولدى تەزىرەك تاپقانىن كورسەتەتىن بەلگىلى ەكسپەريمەنت جۇرگىزىلگەن بولاتىن.

بۇل ويلانۋعا تۇرارلىق نارسە. ءسىزدىڭ ميىڭىز قاجەت ەمەس فاكتىلەرگە (ICQ ەسكى اككاۋنتىنىڭ قۇپيا ءسوزى (پارولى) نەمەسە بۇرىنعى ماحابباتىڭىزدىڭ تۋعان كۇنى سەكىلدى) تولىپ تۇرعاندا ول قاجەتتى جاڭا اقپاراتتى ارەڭ دەگەندە ەستە ساقتايدى. ءبىزدىڭ ميىمىز ءبىر قاراعانداعىداي ەمەس، الدەقايدا قۋ كەلەدى: ول ۇساق-تۇيەكتى ەمەس، جالپى كارتينانى ەستە ساقتايدى. بىلايشا ايتقاندا، ءبىز نە ساتىپ العانىمىزدى ەمەس، تەك دۇكەنگە بارعانىمىزدى ەستە ساقتايمىز.

دەرەككوزى: https://life.ru