ءسىزدى باسقالار تىڭداسىن دەسەڭىز

نۇر- سۇلتان. قازاقپارات - قازىر ادامداردىڭ ءبىر-بىرىنە بۇرىلىپ ءمان بەرۋگە ۋاقىتى جوق. ءتىپتى تىڭداۋعا دا. قاراپايىم ۇيدەگى اتا-اناڭىز دا ءسىزدى تىڭداماي تەرىس قاراپ كەتۋى مۇمكىن.

بۇل ءسىزدى تىڭداعىسى كەلمەيدى دەگەن ءسوز ەمەس، تەك ءسىزدىڭ بوس ءسوزدى كوپ ايتاتىنىڭىز. سوندىقتان بىرەۋدى تىڭداتۋ ءۇشىن نە ىستەۋ كەرەك؟ قىسقا سويلەڭىز كوپ سويلەۋدەن قاشىڭىز. ءتىپتى ايتار ويىڭىزدى مىڭ ويلانىپ بارىپ سويلەڭىز.

بارىنشا ويدى جيناقتاپ، قىسقا سوزدەرمەن كەلتىرىڭىز. بۇل وزگەنىڭ ۋاقىتىن دا ءسىزدىڭ دە ۋاقىتىڭىزدى المايدى. شەشەن سويلەڭىز شەشەن سويلەۋ ءۇشىن شەشەندىك ونەردى مەڭگەرۋ مىندەتتى ەمەس. دەگەنمەن ناقىل سوزدەردى، ماقال-ماتەلدەردى كوپ بىلسەڭىز بەك جاقسى.

سەبەبى ءتاتتى ءارى جاعىمدى سويلەي بىلگەن ادامنىڭ قاسىنا جۇرت ءوزى كەلەدى. جيرەنشە شەشەننىڭ اتى تاريحتا قالسا سول قىسقا ءارى شەشەن سويلەۋ، اقىلىنىڭ ايناسىمەن سىرلاسقانىنان قالدى.

بۇگىنگى كۇننىڭ جيرەنشەسى جوق دەگەن اكسيوما جوق. وقىڭىز، ىسكە اسىرىڭىز! الدىمەن تىڭداپ ۇيرەنىڭىز بىرەۋگە ءوزىڭىزدى ءسوزىڭىزدى وتكىزۋ ءۇشىن نەمەسە بىرەۋدىڭ ءسىزدى تىڭداعانىن قالاساڭىز الدىمەن ءسىز ءبىرىنشى تىڭداپ ۇيرەنىڭىز. بۇل ۇلكەن مادەنيەت.

ءسىز تىڭداي بىلسەڭىز ول دا سىزگە قۇلاق اسادى. سودان كەيىن بارىپ ويىڭىزدى اشىق ءارى انىق جەتكىزە بەرىڭىز. دەرەكپەن سويلەڭىز كوپىرىپ وتىرىك ايتا بەرگەنشە دەرەك كەلتىرىپ، مىسالدار الىپ سويلەڭىز.

ءار مىسالدىڭ ىشىندە ناقتى كۇنى، ايى، اتاۋلارى بولسا ءتىپتى كەرەمەت. ادامدار قازىر اقىماق ەمەس. اقپاراتتىق زاماندا ولاردىڭ ءبىلىپ-ءتۇيىپ جۇرگەنى كوپ. ال ءسىز ولاردىڭ ءبىلىپ تۇرعانىن اڭعارا تۇرىپ ۇستىنەن ءدوپ تۇسسەڭىز سۇيكىمىڭىز ساقتالادى.

سەندىرىپ سويلەڭىز ءاربىر ءسوزدىڭ سالماعى بولسىن. سەبەبى سەنىم بىردەن كەلمەيدى. ادامدى ادامعا سەندىرۋ ءۇشىن ۇلكەن جۇمىس جاساۋ كەرەك. ءبىراق جۇمىستىڭ كۇشىن الماستىرا الاتىن ءتىل بار.

سوندىقتان قىزىل ءتىلدى شىندىقتىڭ سۋىنا سالىپ سۋارىپ الىڭىز. اقيقاتىن ايتىڭىز. ءبىراق اقيقاتتىڭ ءبارى كوپ سويلەۋ ەمەس. شايناي بەرگەن ەتتىڭ ءدامى كەتەتىنى سەكىلدى، كوپ ايتىلا بەرەتىن، جاۋىر بولىپ كەتكەن تاقىرىپ پەن جاتتاندى سوزدەر ەشقانداي ورتادا ءوتىمدى بولمايدى.

Massaget.kz