جوعارى پايىزبەن قارىز بەرگەن ميكروقارجى ۇيىمى ليتسەنزياسىنان ايىرىلدى

نۇر- سۇلتان. قازاقپارات – ق ر قارجى نارىعىن رەتتەۋ جانە دامىتۋ اگەنتتىگىنىڭ نۇر- سۇلتان قالاسىنداعى وڭىرلىك وكىلدەرى باسقارماسى باستىعىنىڭ بۇيرىعىنا سايكەس «كۆيكۋ» ميكروقارجى ۇيىمى» ج ش س قىزمەتتى جۇزەگە اسىرۋعا ارنالعان ليتسەنزياسىنان ايىرىلدى، دەپ حابارلايدى قازاقپارات.

ليتسەنزيادان ايىرۋ ءۇشىن «ميكروقارجىلىق قىزمەت تۋرالى» ق ر زاڭىنىڭ 16-بابى 2-تارماعىنىڭ 2) جانە 4) تارماقشالارىنداعى تالاپتار نەگىز بولدى.

بۇل تۇرعىدا قىزمەتىن قازاقستان رەسپۋبليكاسى زاڭدارىنىڭ تالاپتارىن، سونداي- اق ۋاكىلەتتى ورگاننىڭ، ق ر ۇلتتىق بانكىنىڭ نورماتيۆتىك قۇقىقتىق اكتىلەرىن جۇيەلى تۇردە بۇزا وتىرىپ جۇزەگە اسىرسا، ءتيىستى شەشىم قابىلدانادى. سونىمەن قاتار، زاڭدا كوزدەلمەگەن قىزمەت تۇرلەرىن جۇزەگە اسىرعان جاعدايدا ليتسەنزياسىنان ايىرىلادى.

ق ر قارجى نارىعىن رەتتەۋ جانە دامىتۋ اگەنتتىگى مالىمەتىنە قاراعاندا، ميكروقارجى ۇيىمى ءوز قىزمەتىندە ون ەكى اي ىشىندە ەسەپتەۋ تارتىپتەرىن جانە قارىز الۋشىنىڭ بورىش جۇكتەمەسى كوەففيتسيەنتىنىڭ ءارى جىلدىق ءتيىمدى سىياقى مولشەرلەمەسىنىڭ شەكتى ماندەرىن ساقتاماۋىنا، سونداي- اق قارىز الۋشىلاردان زاڭدا كوزدەلمەگەن وزگە دە تولەمدەردى الۋعا قاتىستى زاڭ بۇزۋ ارەكەتتەرىنە جول بەرگەن. بۇل جاعداي قارىز الۋشىلاردىڭ بورىش جۇكتەمەسىنىڭ نەگىزسىز ۇلعايۋىنا اكەلگەن، ياعني م ق ۇ- نىڭ جۇيەلى تۇردە قىزمەتىن تەرىس پايدالانعانىن بايقاتىپ وتىر»، - دەلىنگەن «ميكروقارجى ۇيىمىن ليتسەنزياسىنان ايىرۋ قارىز الۋشىلاردى ۇيىم الدىنداعى ءوز مىندەتتەمەلەرىن ۋاقتىلى جانە تولىق كولەمدە ورىنداۋ مىندەتىنەن بوساتپايدى»، - دەپ ناقتىلادى اگەنتتىك.