ءبيبىسارا اساۋبايەۆا ازيانىڭ ۇزدىك شاحماتشىسى اتاندى

نۇر- سۇلتان. قازاقپارات - شاحماتتان 18 جاستاعى قازاقستاندىق الەم چەمپيونى ءبيبىسارا اساۋبايەۆا ازيانىڭ ۇزدىك شاحماتشىسى اتاندى.

بۇل تۋرالى سپورتشى ءوزىنىڭ Instagram پاراقشاسىندا جازدى، دەپ حابارلايدى قازاقپارات.

«كەشە حالىقارالىق شاحمات فەداراتسياسىنىڭ ماراپاتتاۋ ءراسىمى ءوتتى. شاحماتتان الەمنىڭ 15- چەمپيونى ۆيشۆاناتان اناند ماعان «ايەلدەر اراسىندا 2021 -جىلعى ازيانىڭ ۇزدىك شاحماتشىسى» سىيلىعىن تاپسىردى»، - دەدى سپورتشى.

ايتا كەتسەك، ءبيبىسارا اساۋبايەۆا بليتستەن ايەلدەر اراسىندا ەڭ جاس الەم چەمپيونى. ءبيبىسارا 2021 -جىلدىڭ 30 - جەلتوقسانىندا پولشانىڭ ۆارشاۆا قالاسىندا بليتستەن ايەلدەر اراسىندا وتكەن الەم چەمپيوناتىندا 17 جاسىندا جەڭىسكە جەتتى. ول ايەلدەر اراسىنداعى گروسسمەيستەر (2019). ەرلەر اراسىندا حالىقارالىق شەبەر (2020). بليتس بويىنشا الەم چەمپيونى (2021).

فوتو: instagram.com/bibisarachess

اۆتور رۋسلان عابباسوۆ