قازاقستان يننوۆاتسيالىق دامۋ بويىنشا الەمدىك رەيتينگىدە نەشىنشى ورىندا تۇرعانى بەلگىلى بولدى
ۇلتتىق ستاتيستيكا بيۋروسىنىڭ زەرتتەۋلەرىنە سايكەس، بىلتىر 28,2 مىڭ كومپانيانىڭ تەك 3 مىڭى عانا يننوۆاتسيالىق تەحنولويالاردى قولداناتىنى انىقتالعان. وسىلايشا، قازاقستاننىڭ يننوۆاتسيا سالاسىنداعى بەلسەندىلىك دەڭگەيى - 10,5 پايىزدى قۇرادى. ونىڭ ىشىندە ەل بويىنشا جوعارى كورسەتكىشتەر ەلوردادا بايقالعان.
باس قالادا يننوۆاتسيالىق بەلسەندىلىك دارەجەسى 13,5 پايىز دەڭگەيىندە. ودان كەيىن قاراعاندى (%13) جانە اقتوبە (%12,5) وبلىستارى تۇر. يننوۆاتسيالىق تەحنولوگيالاردى ەنگىزۋدەگى ەڭ ناشار كورسەتكىش - پاۆلودار وبلىسىندا.
وندا كومپانيالاردىڭ بۇل سالاداعى بەلسەندىلىگى 5,2 پايىز عانا. ال جالپى الەمدىك رەيتينگىدە شۆەيتساريا، شۆەتسيا جانە اقش كوش باستاپ تۇر.
ت م د ەلدەرىنىڭ اراسىنداعى كورسەتكىشتەر بويىنشا، قازاقستان رەسەي، ۋكراينا، بەلارۋس، مولدوۆا جانە ارمەنيادان كەيىنگى ورىندا. رەيتەينگىدە ءبىزدىڭ ەلدەن كەيىن ازەربايجان، وزبەكستان، قىرعىز رەسپۋبليكاسى مەن تاجىكستان تۇر.
اۆتور ءاليحان اسقار
