قانات يسلامنىڭ كەلەسى ايقاسى بەلگىلەندى

نۇر-سۇلتان. قازاقپارات - ورتا سالماقتاعى قازاقستاندىق بوكسشى قانات يسلامنىڭ (28-1، 22 KO) كەلەسى جەكپە-جەگى وتەتىن ورىن مەن ۋاقىتى بەلگىلى بولدى، دەپ حابارلايدى Vesti.kz.

بوكسشىنىڭ كومانداسىنا جاقىن مالىمەت كوزىنىڭ اقپاراتىنشا، قانات رينگكە قىركۇيەكتە ا ق ش جەرىندە شىعادى.

بۇل قازاق بوكسشىنىڭ 26- اقپان پلانت-سيتيتتە وتكەن بوكس كەشىندە كارەراسىندا العاش جەڭىلگەننەن كەيىنگى ءبىرىنشى ايقاس بولادى. ول كەزدە قانات WBO Global تيتۋلى ءۇشىن كەزدەسۋدە بريتانيالىق دجيممي كەلليگە (26-2، 10 ك و) تورەشىلەر شەشىمىمەن (95-95، 96-94، 97-93) ەسە جىبەرگەن.

قازىرگى تاڭدا قازاقستاندىق وكسناردتا (كاليفورنيا) بۇرىنعى باپكەرى رودجەر رومانىڭ قول استىندا جاتتىعىپ جاتىر.

يسلام قازىرگى كەزدە بارلىق نەگىزگى ۇيىمنىڭ: WBC، WBA، IBF جانە WBO رەيتينگتەرىنىڭ توپ-15 تىزىمىنەن شىعىپ قالعان.