11:41, 04 - تامىز 2022 | GMT +5
قازاقستان «ءبىر قىتاي» قاعيداتىن قولدايدى – ق ر س ءى م
نۇر- سۇلتان. قازاقپارات - ق ر سىرتقى ىستەر مينيسترلىگى تايۆان بويىنشا رەسمي مالىمدەمە تاراتتى، دەپ حابارلايدى قازاقپارات.
«قازاقستان رەسپۋبليكاسى «ءبىر قىتاي» قاعيداتىن قولدايدى جانە تايۆاندى قىتاي حالىق رەسپۋبليكاسى اۋماعىنىڭ اجىراماس بولىگى دەپ سانايدى. قازاقستان حالىقارالىق قۇقىقتىڭ قولدانىستاعى نورمالارىن جانە بىرىككەن ۇلتتار ۇيىمى جارعىسىن ساقتاۋدى، اتاپ ايتقاندا وسى ماسەلەدە ب ۇ ۇ باس اسسامبلەياسىنىڭ 1971 -جىلعى №2758 قارارىن ۇستانۋدى جاقتايدى»، - دەلىنگەن ق ر س ءى م رەسمي وكىلى ايبەك سمادياروۆتىڭ تايۆان بويىنشا تۇسىنىكتەمەسىندە.
سونداي- اق ول شەت ەلدەردىڭ رەسمي دەلەگاتسيالارىنىڭ تايۆانعا ساپارلارى ق ح ر ۇكىمەتىمەن كەلىسىلۋى ءتيىس دەپ سانايتىنىن جەتكىزدى.
