شاحمات وليمپياداسىندا قازاقستان ەرلەر قۇراماسى جەڭىسكە جەتتى

نۇر-سۇلتان. قازاقپارات - ءۇندىستاننىڭ چەنناي قالاسىندا ءوتىپ جاتقان شاحمات وليمپياداسىندا ەلىمىزدىڭ ەرلەر جانە ايەلدەر قۇراماسى التىنشى ويىنىن وتكىزدى، دەپ حابارلايدى قازاقپارات ءتىلشىسى.

بۇل جولى ەرلەر قۇراماسى چەحيانى 2,5:1,5 ەسەبىمەن ءسۇرىندىردى.

قۇراما ساپىندا ارىستانبەك ورازايەۆ پەن قازىبەك نوگەربەك جەڭىسكە جەتسە، رينات جۇمابايەۆ تەڭ ءتۇستى.

ال، الىشەر سۇلەيمەنوۆ قارسىلاسىنا ەسە جىبەرىپ قويدى.

ولار بۇعان دەيىن ليۆان مەن لاتۆيانى 4:0، قىتاي تايبەيىن 3:1، ماروككونى 2,5:1,5 ەسەبىمەن جەڭىپ، تاجىكستانعا 1,5:2,5 ەسەبىمەن ەسە جىبەرگەن- ءدى.

ال، ايەلدەر قۇراماسى التىنشى تۋردا ازەربايجانعا 1:3 ەسەبىمەن جول بەرىپ قويدى.

ولار بۇعان دەيىن پەرۋ، كۋبا مەن بەلگيانى 3:1، گۆاتەمالانى 4:0 جەڭىپ ، موڭعوليامەن 2:2 ەسەبىمەن تەڭ ءتۇستى.