رەنتگەنگە جىلىنا قانشا رەت تۇسكەن دۇرىس؟
ءبىراق اۋىرعان ادامنىڭ دياگنوزىن انىقتاي الماي جاتقاندا، مىندەتتى تۇردە رەنتگەنگە تۇسىرەدى. ءتىپتى، ءتىستىڭ كەلبەتىن انىقتاۋ ءۇشىن دە ءتۇسۋ كەرەك. جىلىنا ءبىر رەت ەمەس، ءتورت-بەس رەت ءتۇسىپ كەتەتىن كەزدەرى بولادى. مۇندايدا قايتپەك كەرەك؟
مامانداردىڭ بۇعان ايتار جاۋابى مىناۋ: ەڭ دۇرىسى مۇلدە رەنتگەنگە تۇسپەۋ كەرەك، ال ءبىراق دارىگەر ءتۇس دەگەن ەكەن، وندا بىرنەشە رەت ءتۇسۋدىڭ ەش ابەستىگى جوق.
ماسەلە مىنادا. قازىرگى مەديتسينادا بۇرىنعىداي رەنتگەنگە كوپ تۇسىرە بەرمەيدى، اۋرۋ مەن دياگنوزدى انىقتاۋدىڭ باسقا دا زاماناۋي ادىستەرى بار. تەحنولوگيا دامىپ كەلەدى. تەك ول تەحنولوگيالارمەن انىقتاي المايتىن جاعداي بولعاندا عانا رەنتگەنگە تۇسۋگە تۋرا كەلەدى.
رەنتگەن ساۋلەسى دەگەنىمىز - وتە قۋاتتى، يوندالعان ساۋلەنى دەنەگە شاشۋ، جىبەرۋ ءادىسى. قۋاتتى ساۋلە دەنەنى تەسىپ ءوتىپ، بۇكىل ىشكى اعزانى ايناداي ەتىپ كورسەتەدى. رەنتگەن ساۋلەسى - بۇل كادىمگى كۇن ساۋلەسى، رادياتسيالىق ساۋلە. كۇننىڭ استىندا كوپ ءجۇرىپ قالساڭ دا، وسى رەنتگەن ساۋلەسىنە تاپ بولاسىڭ. ءبىراق رەنتگەن ساۋلەسى ءدال كۇن ساۋلەسىندەي قۋاتتى، زيان ەمەس.
مەديتسينا «جىلىنا رەنتگەنگە قانشا رەت تۇسكەن دۇرىس؟» دەگەن سۇراق بىلاي دەپ جاۋاپ بەرەدى: رەنتگەنگە قانشا رەت تۇسكەن ماڭىزدى ەمەس، ماسەلەنىڭ ءبارى شاشىلعان ساۋلەنىڭ قۋاتىندا. ماسەلەن، تىسكە رەنتگەن جاساۋعا كوپ رادياتسيا كەتپەيدى، مۇنىڭ ەش زياندىعى جوق. ال ميعا توموگرافيا مەن رەنتگەنوسكوپيا جاساۋعا موديتسيكاتسيالانعان رەنتگەن ساۋلەسى قولدانىلادى، بۇل ەندى ءبىرشاما زيان. بۇعان وكپەگە جاسالاتىن رەنتگەندى دە قوسۋعا بولادى.
ال مەديتسينادا قولدانىلاتىن جالپى رەنتگەن ساۋلەسىن الىپ قاراساق، دارىگەرلەردىڭ ايتۋىنشا، زيان مۇلدە جوق، بار بولعاننىڭ وزىندە وتە از. رەنتگەن ساۋلەسىنىڭ اعزاعا تيگىزەر زيانى مىناۋ: اعزا جاسۋشاسىنا ساۋلەنىڭ كەسىرىنەن راديكالدار ەنىپ كەتەدى دە، جاسۋشانى مۋتاتسياعا ۇشىراتادى. قاتەرلى ىسىك وسى مۋتاتسيالانعان جاسۋشادان شىعادى.
ال مەديتسينادا قولدانىلاتىن رەنتگەن ساۋلەسىنىڭ مۇنداي راديكالدار تۋعىزۋعا ءالى جەتپەيدى.
massaget.kz
