فۋتبولدان كونفەرەنتسيا ليگاسى: قازاقستاندىق كلۋبتاردىڭ كەلەسى ىقتيمال قارسىلاستارى انىقتالدى

نۇر- سۇلتان. قازاقپارات - بۇگىن شۆەيتساريانىڭ نون قالاسىندا قازاقستاندىق كلۋبتاردىڭ قاتىسۋىمەن ءوتىپ جاتقان فۋتبولدان كونفەرەنتسيا ليگاسى پلەي- و ف ف ساتىسىنىڭ جەرەبەسى تارتىلدى، دەپ حابارلايدى قازاقپارات ءتىلشىسى.

اتالعان شارا بارىسىندا ەلىمىزدىڭ قوستانايلىق «توبىل» مەن پەتروپاۆلدىق « قىزىلجار» ىقتيمال قارسىلاستارى بەلگىلى بولدى.

«توبىل» پلەي- وف ف ساتىسىندا «وليمپياكوس» (گرەكيا) جانە «سلوۆان» (سلوۆاكيا) جۇبىنىڭ جەڭىمپازىمەن وينايدى.

« قىزىلجار» پلەي- وفف ساتىسىنا شىققان جاعدايدا «سەپسي» (رۋمىنيا) جانە «يۋرگوردەن» (شۆەتسيا) جۇبىنىڭ جەڭىمپازىمەن كەزدەسەدى.

ويىندار 18 جانە 25 - تامىز كۇندەرىنە بەلگىلەنگەن.

ايتا كەتسەك، كونفەرەنتسيا ليگاسى ءۇشىنشى ىرىكتەۋ ساتىسىندا 4 جانە 11 - تامىز كۇندەرى «توبىل» بوسنيا جانە گەرتسوگوۆينانىڭ «زرينسكي» ، « قىزىلجار» كيپردىڭ اپوەل كوماندالارىمەن كەزدەسەدى.

ەسكە سالساق، ەكىنشى ىرىكتەۋ ساتىسىندا قوستانايلىق كوماندا گيبرالتاردىڭ «لينكولن رەد يمپس» (2:0, 1:0) ، « قىزىلجار» حورۆاتيانىڭ «وسيەك» (2:0, 1:2) ورتا جولدا قالدىرىپ كەتتى.

ال ەلوردالىق «استانا» پولشانىڭ «راكۋۆ» كلۋبىنا (0:5, 0:1) ، الماتىنىڭ «قايراتى» ۆەنگريانىڭ «كيشۆاردا» كلۋبىنا (0:1, 0:1) جول بەرىپ قويدى.