قازاقستاندا قاشىقتان وقىتۋ ەنگىزىلە مە

نۇر-سۇلتان. قازاقپارات - قازاقستاننىڭ باس سانيتار دارىگەرى ايجان ەسماعامبەتوۆا ءوڭىر «قىزىل» ايماققا كىرگەن جاعدايدا ءبىلىم بەرۋ سالاسىندا ەنگىزىلەتىن شەكتەۋلەر جايىندا ايتتى، دەپ حابارلايدى قازاقپارات ءتىلشىسى.

«بىرىنشىدەن - بۇل سانيتاريالىق- زارارسىزداندىرۋدى كۇشەيتۋ، تازالىق جۇرگىزۋ جيىلىگىن ارتتىرۋ، كابينەتتەردى جەلدەتۋ، اۋانى زارارسىزداندىرۋ. سونىمەن قاتار كىرە بەرىستە سۇزگى ورناتىپ، پەداگوگتەر مەن قىزمەتكەرلەردىڭ دەنە قىزۋىن ولشەۋ قولعا الىنادى»، - دەدى ايجان ەسماعامبەتوۆ 24kz تەلەارناسى بەرگەن سۇحباتىندا.

ونىڭ اتاپ وتۋىنشە، قاشىقتان وقىتۋ فورماتى ەنگىزىلمەيدى. دەگەنمەن، «قىزىل» ايماققا تۇسكەن وڭىرلەردە مادەني، تاربيە ءىس- شارالارىن، سىنىپ جانە اتا-انالار جينالىستارىن وتكىزۋگە تىيىم سالىنادى.

«بالاباقشالاردا توپتاردى بىرىكتىرۋ ارقىلى وتكىزىلەتىن ءىس-شارالارعا تىيىم ەنگىزىلەدى. مەكتەپتەردە جوعارى، ورتا جانە تومەنگى سىنىپ وقۋشىلارىن بولەكتەۋ جۇرگىزىلۋى مۇمكىن. بۇل ولاردى مۇمكىندىگىنشە ءبىر- بىرىمەن كەزدەسپەۋى ءۇشىن جاسالادى. ەستەرىڭىزدە بولسا، باستاۋىش جانە جوعارى سىنىپتار ءۇشىن بولەك كىرە بەرىس ۇيىمداستىرعان ەدىك»، - دەدى باس سانيتار دارىگەر.

اۆتور مارلان جيەمباي