گولوۆكين ءوز مانسابىنداعى ەڭ ءىرى جەڭىسى تۋرالى جوسپارىن ايتتى
GGG العاشقى ەكى ايقاستاعى جاعداي مەن ناتيجەسى مەكسيكالىقپەن جەكپە-جەككە ىقپال ەتپەيتىنىن اتاپ ءوتتى. 2017 -جىلى قارسىلاستار تەڭ ناتيجەمەن اياقتاسا، ءبىر جىلدان كەيىن الۆارەس تورەشىلەردىڭ شەشىمىمەن جەڭىمپاز اتاندى.
«كوپ ۋاقىت ءوتتى. ەندى ەكەۋمىز دە باسقا بوكسشىمىز. بۇل ءارى قاراي جىلجۋ ءۇشىن دۇرىس ءادىس. بۇعان دەيىنگى ەكى ايقاسقا قارايلاماي، مۇنىڭ وزگەشە جەكپە-جەك دەگەن ويمەن بارىنشا جاتتىعۋ كەرەك. مەن مۇنىڭ وڭاي ايقاس بولمايتىنىنا سەنىمدىمىن. مەنىڭ قارسىلاسىم - چەمپيون، ونىڭ ءتورت بەلبەۋى بار. ول وسى سالماق دارەجەسىندەگى ۇزدىك بوكسشى بولۋى دا مۇمكىن. مەن بۇل سالماققا ءبىرىنشى رەت ءوتىپ جاتىرمىن جانە وسى ديۆيزيونداعى ۇزدىك بوكسشىمەن جۇدىرىقتاسامىن. «كانەلونى» جەڭسەم، ول مەنىڭ مانسابىمداعى ءىرى جەڭىس بولار ەدى. قاتتى قۋانار ەدىم»، - دەدى گەننادي Las Vegas Review Journal-عا بەرگەن سۇحباتىندا.
فوتو: sports.kz
