نۇرسۇلتان امانجولوۆ افريكالىق بوكسشىنى نوكاۋتقا جىبەردى

نۇر-سۇلتان. قازاقپارات - قازاقستان بوكسشىسى نۇرسۇلتان امانجولوۆ (4-0، 3 ك و) Wicked N’ Bad بريتانيالىق پروموۋشەنى دۋبايدا (ب ا ءا) ۇيىمداستىرعان كەشتە ونەر كورسەتتى، دەپ حابارلايدى قازاقپارات ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ.

ن. امانجولوۆ ۋگانديالىق شاپي مۋشوتومەن جەكپە-جەك وتكىزدى.

سۋپەراۋىر سالماقتاعى كەزدەسۋ ءتورتىنشى راۋندتا اياقتالدى.

امانجولوۆ وپپونەنتىن نوكاۋتقا جىبەردى.

ءۇشىنشى راۋندتا، سونداي-اق رەفەري مۋشوتوعا ەكى رەت نوكداۋن جازدى.

وسىلايشا، نۇرسۇلتان پروفيبوكستا بەسىنشى رەت جەڭىسكە جەتتى.

ايتا كەتەيىك، سۋپەراۋىر سالماقتاعى بوكسشىمىز WBA، WBO، IBF نۇسقالارى بويىنشا الەم چەمپيونى، ۋكراينالىق الەكساندر ۋسيكتىڭ (19-0، 13 ك و) سپاررينگ-قارسىلاستارىنىڭ ءبىرى.