برازيليا مايمىل شەشەگى ۆيرۋسىنان العاشقى كىسى ءولىمى تىركەلگەنىن راستادى
بۇل جاعداي ەلدىڭ وڭتۇستىك-شىعىسىنداعى ميناس-جەرايس شتاتىنىڭ استاناسى بەلۋ-وريزونتيدە تىركەلدى.
ۆيرۋستان 41 جاستاعى ەر ادام قايتىس بولعان. ول باسقا اۋىر كلينيكالىق جاعدايلاردان، سونىڭ ىشىندە قاتەرلى ىسىكتەن ەم الىپ جۇرگەن.
ناۋقاستىڭ دەنساۋلىعى ينفەكسيا جۇقتىرعاننان كەيىن ناشارلادى.
اتى-ءجونى جاريا ەتىلمەگەن ەر ادام بەلۋ-وريزونتيدەگى مەملەكەتتىك اۋرۋحاناعا جاتقىزىلدى.
ول مايمىل شەشەگىنەن اسقىنعان سەپتيكالىق شوك العان.
27- شىلدەدەگى جاعداي بويىنشا، برازيليادا مايمىل شەشەگى ۆيرۋسىن جۇقتىرۋدىڭ 978 جاعدايى تىركەلگەن.
دۇنيەجۇزىلىك دەنساۋلىق ساقتاۋ ۇيىمى قازىرگى ىندەتتى دەنساۋلىق ساقتاۋ سالاسىنداعى حالىقارالىق ماڭىزى بار توتەنشە جاعداي دەپ جاريالادى.
بۇعان دەيىن مايمىل شەشەگى ۆيرۋسىنان برازيليا مەن يسپانيادا مايمىل شەشەگىنەن 3 ادام كوز جۇمعانى حابارلانعان ەدى.
