قىتايدىڭ شىڭجاڭ-ۇيعىر اۆتونوميالىق ولكەسىندە كوروناۆيرۋس وشاعى انىقتالدى
سوڭعى 24 ساعاتتا بۇل ايماقتا COVID-19 ينفەكتسياسىنىڭ بەلگىلەرى بولماعان توعىز ناۋقاس تىركەلگەن، دەپ حابارلايدى قازاقپارات ءتىلشىسى.
قىتاي حالىق رەسپۋبليكاسىنىڭ دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ مالىمەتىنشە، سوڭعى تاۋلىكتە ش ۇ ا و- دە كوروناۆيرۋستىڭ بەلگىلەرى بولماعان توعىز ناۋقاس انىقتالدى.
جەرگىلىكتى ب ا ق- تىڭ حابارلاۋىنشا، COVID-19 ۆيرۋسىن تاسىمالداۋشى توعىز ادامنىڭ جەتەۋى قۇلجا قالاسىندا تىركەلگەن.
ىندەتتىڭ الدىن الۋ جانە باقىلاۋ جونىندەگى جەرگىلىكتى شتابتىڭ مالىمەتى بويىنشا، قۇلجا قالاسىنان كەتەتىن جولاۋشىلار ۇشۋعا دەيىن 24 ساعات ىشىندە كوروناۆيرۋسقا پ ت ر سىناماسىنان ءوتۋى ءتيىس.
بۇعان دەيىن ءۇرىمجى قالاسىندا ۆيرۋس جۇقتىرۋ بەلگىلەرى بولماعان ءبىر تاسىمالداۋشى انىقتالعان. جالپى، ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەت مالىمەتىنشە، سوڭعى تاۋلىكتە ماتەريكتىك قىتايدا كوروناۆيرۋس ينفەكتسياسىن جۇقتىرۋدىڭ 400 گە جۋىق جاعدايى انىقتالدى.
