گولوۆكيننىڭ پروموۋتەرى قازاقستاندىق بوكسشى قىزدىڭ تيتۋلدىق جەكپە-جەگى تۋرالى مالىمدەمە جاسادى

نۇر-سۇلتان. قازاقپارات - ورتا سالماقتاعى چەمپيون گەنناديي گولوۆكينمەن جۇمىس ىستەيتىن پروموۋتەر توم لەففلەر جەڭىل سالماقتا WBC International تيتۋلىنا ۇمىتكەر قازاقستاندىق بوكسشى ايدا ساتىبالدينوۆا (6-2-1، 2 ك و) مەن امەريكالىق چەلسي اندەرسون (5-0، 2 ك و) اراسىنداعى اشىق جاتتىعۋ تۋرالى ايتتى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى.

ولار 4- تامىزدا مونتەبەللودا (كاليفورنيا شتاتى، ا ق ش) جۇدىرىقتاسادى.

ال ول قازاقستان ۋاقىتى بويىنشا 5- تامىز كۇنى تاڭەرتەڭ بولادى.

«جەڭىل سالماقتاعى WBC International تيتۋلىنا جۇدىرىقتاساتىن وسى ەكى سپورتشى ءۇشىن بۇل - كەرەمەت مەديا-جاتتىعۋ. «لەدي سپارتا» - چەلسي مەي اندەرسون جەكپە-جەگى 4- تامىزدا UFC Fight Pass-تا وتەدى. بارلىق وتىراتىن ورىندارعا بيلەتتەر ساتىلدى. قازىر تۇرەگەپ تۇراتىن ورىندارعا ساتىلاتىن بيلەتتەردىڭ شەكتەۋلى سانى 360 Promotions-تا قولجەتىمدى»، - دەپ جازدى توم ءوزىنىڭ Twitter- دەگى پاراقشاسىندا سپورتشىلاردىڭ اشىق جاتتىعۋلارداعى فوتوسۋرەتتەرىمەن ءبولىسىپ.