بيىل قانشا تۋريست دەمالىسىن الاكول جاعالاۋىندا وتكىزبەك
«KazakhTourism» دەرەگىنشە، الاكول جاعالاۋىندا اشىلعان جاڭا دەمالىس ورىندارى دەمالۋشىلار سانىنىڭ كوبەيۋىنە ىقپال ەتىپ وتىر.
«رەسمي ستاتيستيكا بويىنشا، بىلتىر كولدىڭ الماتى جاق جاعالاۋىنا 230 مىڭنان استام ادام دەمالۋعا بارعان. 2022-جىلى 400 مىڭعا جۋىق ادام دەمالادى دەپ كۇتىلەدى. ال، وتكەن جىلى كولدىڭ اباي وبلىسى جاعىندا ورنالاسقان دەمالىس ورىندارىنا 100 مىڭعا جۋىق ادام باردى. بۇل ورايدا، ءبىر كۇنگە بارعان دەمالۋشىلاردى دا ايتا كەتكەن ءجون. جەرگىلىكتى اتقارۋشى ورگانداردىڭ مونيتورينگىنە سايكەس، ءبىر كۇندىك تۋريستەردى قوسا العاندا بىلتىر مۇندا شامامەن 350 مىڭ ادام دەمالىسىن وتكىزگەن. بيىلعى ماۋسىمدا الاكول جاعالاۋى 420 مىڭنان استام تۋريستى قابىلداۋعا قاۋقارلى»، - دەپ ءمالىم ەتتى ۇلتتىق كومپانيانىڭ باسپا ءسوز قىزمەتىنەن.
دەمالىسىن ەرتە جوسپارلاعان قازاقستاندىقتار پويىز بيلەتتەرىن 1-2 اي بۇرىن ساتىپ العان.
«اتامەكەن» ۇ ك پ اقپاراتىنا سايكەس، ەندى بيلەت تاپشىلىعى سەزىلىپ وتىر. سونىمەن قاتار، جوندەۋگە جابىلعان ءۇرجار جانە ءۇشارال اۋەجايلارى ءالى اشىلعان جوق.
