ىستىقكولگە باردىڭ با؟
ەگەر بىلتىر جايلى كوتتەدجدى ءىشىپ-جەمسىز ءبىر تاۋلىككە 5 مىڭ سومعا جالداۋعا بولسا، بيىل ونىڭ باعاسى 7 مىڭنان باستالادى، دەپ حابارلايدى «حابار 24».
ءبىزدىڭ اقشاعا ساناعاندا، كەم دەگەندە 35 مىڭ تەڭگە تۇرادى. وعان قوسا ازىق- تۇلىك، ىشكى تۋرلار مەن قىزمەتتەر، ءتىپتى جولاقىسى دا قىمباتتادى. ءبىراق وسىعان قاراماستان، ىستىقكول جاعاسىندا دەمالۋشىلار قاراسى قالىڭ.
«جەرگىلىكتى تۇرعىندار ءۇشىن بۇل تىم قىمبات. ءبىراق ءبارى شەتەلدەن كەلەتىن قوناقتارعا، رەسەي مەن قازاقستان ازاماتتارىنا ءۇمىت ارتقان»، دەيدى تۋريستىك فيرمانىڭ مەنەدجەرى ۆەرونيكا كالاچەۆا.
اقشاسىن ۇنەمدەگىسى كەلگەن رەسەيلىكتەر مەن قازاقستاندىقتار جەكە مەنشىك ۇيلەردى جالدايدى. مۇندا ءبىر ورىننىڭ باعاسى ەكى جارىم مىڭ تەڭگەدەن باستالادى. ادام كوپ بولعان سوڭ، قوقىس تا كوپ جينالادى. جەرگىلىكتى بيلىك جاعالاۋدى پلاستيك قاپتارى مەن شولمەكتەردەن تازارتۋعا تىرىسىپ باعۋدا.
«قازىر تۋريستەر سانى وتە كوپ سوندىقتان، ءبىر رەت قوقىس جيناۋمەن ماسەلەنى شەشە المايمىز. جۇيەلى جۇمىس جۇرگىزىپ، جاۋاپتى تۇلعالاردى انىقتاۋ قاجەت. مەنىڭ ويىمشا، ەڭ الدىمەن دەمالۋشىلاردى قابىلدايتىن ۇيلەر تازالىققا جاۋاپتى بولۋى ءتيىس»، دەيدى قىرعىزستان تۋريزمنىڭ دامۋىن قولداۋ قورىنىڭ باسقارۋشىسى قايرات يتيبايەۆ.
ىستىقكولدە دەمالىستىڭ قىمباتتاۋىنىڭ تاعى ءبىر سەبەبى - رەسەيدەن تۋريستەردىڭ كوپتەپ كەلۋى. مەيمانحانا يەلەرىنىڭ ايتۋىنشا، رەسەيلىكتەر كوكتەمدە-اق ورىنداردىڭ جارتىسىن ساتىپ العان.
