10:10, 26 - شىلدە 2022 | GMT +6
كەلەسى جىلى «ەۋروۆيدەنيە» بايقاۋى ۋكراينادا وتپەيتىن بولدى
نۇر-سۇلتان. قازاقپارات - ەۋروپالىق حابار تاراتۋ وداعى «ەۋروۆيدەنيە-2023» بايقاۋىنىڭ ۇلى بريتانيادا وتەتىنىن مالىمدەدى.
شارانىڭ ۇيىمداستىرۋشىلارى بيىل بايقاۋدى ۋكراينادا وتكىزۋ قاۋىپتى دەپ سانادى، دەپ حابارلايدى قازاقپارات bbc اقپارات اگەنتتىگىنە سىلتەمە جاساپ.
ەرەجەگە سايكەس، بايقاۋ الدىڭعى جىلى جەڭىسكە جەتكەن ەلدە ءوتۋى ءتيىس. 2022 -جىلى ۋكراينا اتىنان ونەر كورسەتكەن «كالۋش» توبى «ستەفانيا» انىمەن جەڭىمپاز اتانعان. الايدا، بايقاۋ ۇيىمداستىرۋشىلارى ۋكراينادا جالعاسىپ جاتقان سوعىسقا بايلانىستى ونداعى قاتىسۋشىلار مەن كورەرمەندەر قاۋىپسىزدىگى قامتاماسىز ەتىلمەيدى دەپ سانايدى.
بۇرىن حابارلانعانداي، ۋكراينا باستاپقىدا بۇل شەشىمگە قارسى بولىپ، بايقاۋدى ءوز اۋماعىندا وتكىزۋ تۋرالى كەلىسسوزدىڭ جالعاسۋىن تالاپ ەتكەن ەدى. ءبىراق پىكىرلەر ناتيجەسىندە قاۋىپسىزدىك شەشۋشى ءرول اتقاردى.
