07:40, 26 - شىلدە 2022 | GMT +6
قىتاي شەكاراسىندا مايمىل شەشەگىنە توسقاۋىل شارالارى ەنگىزىلدى
نۇر-سۇلتان. قازاقپارات - قىتاي شەكاراسىندا مايمىل شەشەگىنە توسقاۋىل شارالارى ەنگىزىلدى، دەپ حابارلايدى قازاقپارات COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ تەلەگرام كانالىنا سىلتەمە جاساپ.
«قىتاي بيلىگى شەكارادان وتكەن ادامداردىڭ مايمىل شەشەگىن ەلگە اكەلۋىنە جول بەرمەۋ شارالارىن ەنگىزگەنىن مالىمدەدى، ونىڭ اياسىندا بەلگىلەر بولعان جاعدايدا ادامدار مەملەكەتتىك ورگاندارعا حابارلاۋى ءتيىس. بۇل تۋرالى ق ح ر باس كەدەن باسقارماسى حابارلادى. قۇجاتتا ناقتىلانعانداي، قىتاي شەكاراسىنان وتكەن كولىك قۇرالىنىڭ بورتىندا جۇقتىرعان ادامدار بار دەگەن كۇدىك تۋىنداعان جاعدايدا، بارلىق جولاۋشىلار، ولاردىڭ زاتتارى مەن جۇكتەرى ارنايى تەكسەرۋدەن ءوتۋى كەرەك. باقىلاۋدىڭ جاڭا شارالارى الداعى التى اي ىشىندە قولدانىلادى»، - دەلىنگەن حابارلامادا.
