ساياسات نۇربەك گەرمانيانىڭ ۇزدىك ج و و- لار فيليالىن ەلىمىزدە اشۋدى ۇسىندى

نۇر-سۇلتان. قازاقپارات - قازاقستان گەرمانيانىڭ جەتەكشى جوعارى وقۋ ورىندارىنىڭ فيليالدارىن ءوز ەلىمىزدە اشۋعا كومەكتەسۋگە دايىن.

بۇل تۋرالى عىلىم جانە جوعارى ءبىلىم ءمينيسترى ساياسات نۇربەك قازاقستان-گەرمان قوعامىنىڭ ءتوراعاسى، Eurasian Management Solutions باسقارۋشى سەرىكتەسى توماس حەلممەن كەزدەسۋىندە ايتتى، دەپ حابارلايدى قازاقپارات.

كەزدەسۋ بارىسىندا قوس ەلدىڭ ءبىلىم بەرۋ سالاسىنداعى ىنتىماقتاستىق جولدارى تالقىلاندى.

مينيستر ءوز سوزىندە، ەگەر گەرمانيا قىزىعۋشىلىق تانىتقان جاعدايدا قازاقستان اتالعان ەلدىڭ ۇزدىك ۋنيۆەرسيتەتتەرىنىڭ فيليالدارىن اشۋعا جاردەمدەسۋگە دايىن ەكەندىگىن قۋاتتادى.

«جوعارى ءبىلىم بەرۋدى رەفورمالاۋ، ۋنيۆەرسيتەتتەرىمىزگە اكادەميالىق جانە باسقارۋشىلىق ەركىندىك بەرۋ - الەمنىڭ ۇزدىك ۋنيۆەرسيتەتتەرىنە قازاقستانعا جول اشادى»، - دەدى ساياسات نۇربەك.

ت. حەلمنىڭ ايتۋىنشا، مىڭداعان قازاقستاندىق گەرمانيا ج و و- لارىند ا ءبىلىپ الدى.

«بۇگىنگى تاڭدا مىڭداعان قازاقستاندىق ستيپەنديات گەرمانيانىڭ جوعارى وقۋ ورىندارىندا ءبىلىم الدى. ولاردىڭ باسىم كوپشىلىگى قازاقستان ەكونوميكاسىنىڭ يگىلىگىنە قىزمەت ەتۋدە»، - دەدى توماس حەلم.

مينيسترلىكتىڭ باسپا ءسوز حابارلاماسىندا ءمالىم ەتىلگەندەي، گەرمانيانىڭ ستيپەنديالىق باعدارلامالارى ونداعان جىلدار بويى ەلىمىز جاستارى اراسىندا سۇرانىسقا يە.

ولار ستۋدەنتتەرمەن قاتار، جوعارى وقۋ ورنىنان كەيىنگى ءبىلىم بەرۋدە كەڭ اۋقىمدى جوبالار ۇسىنادى.

ونىڭ ىشىندە عالىمدار مەن وقىتۋشىلارعا ارنالعان ستيپەنديالىق زەرتتەۋ باعدارلامالارى بار.