رەسەيگە قارسى كەزەكتى سانكسيالار ەنگىزىلدى

نۇر-سۇلتان. قازاقپارات – ەۋروپالىق وداق رەسەيگە قارسى كەزەكتى سانكتسيالار پاكەتىن ەنگىزدى، دەپ حابارلايدى «حابار 24».

اتاپ ايتقاندا، قارا تىزىمگە قوسىمشا 9 زاڭدى جانە 48 جەكە تۇلعا ىلىنگەن. رەسەيدىڭ ەڭ ءىرى بانكى سانالاتىن سبەربانكتىڭ اكتيۆتەرىن بۇعاتتاۋ تۋرالى شەشىم قابىلداندى.

بۇدان بولەك، رەسەيدىڭ اسكەري تەحنيكالىق جابدىعىن كۇشەيتۋگە جول بەرمەس ءۇشىن جاڭا تەحنولوگيالاردىڭ ەكسپورتى قاتاڭ باقىلاۋعا الىنادى.

وعان قوسا، رەسەيلىك التىننىڭ تىكەلەي جانە جاناما يمپورتىنا، سونداي- اق اشەكەي بۇيىمداردى ساتىپ الۋعا تىيىم سالىنادى.

ايتا كەتەيىك، رەسەي ءۇشىن التىن ەكسپورتى ەنەرگيا رەسۋرسىنان كەيىنگى ورىندا تۇرعان ماڭىزدى كىرىس ءتۇرى. سانكسيالاردىڭ جاڭا پاكەتىنە سايكەس رەسەيگە اۋىل شارۋاشىلىعى ونىمدەرى مەن مۇنايىن دامۋشى ەلدەرگە ەكسپورتتاۋعا رۇقسات بەرىلەدى. ءمالىم بولعانداي، بۇل ماسەلە ءجىتى تالداۋدان ءوتىپ، الدىن الا كەلىسىلگەن.