وڭىرلەردە قانت قانداي باعامەن ساتىلىپ جاتىر
بۇل تۋرالى قازاقپارات ءتىلشىسىنىڭ ساۋالىنا جاۋاپ بەرگەن ساۋدا جانە ينتەگراتسيا مينيسترلىگىنىڭ باسپا ءسوز قىزمەتى ءمالىم ەتتى.
«2022 -جىلعى 12-شىلدەدەگى جاعداي بويىنشا ەلدەگى قانت قورى - 26,9 مىڭ توننا. فيسكالدىق دەرەكتەر وپەراتورىنىڭ (ناقتى كاسسالىق چەكتەردىڭ جيىنتىق دەرەكتەرى) اقپاراتىنا ساي، 12-شىلدەدە رەسپۋبليكا بويىنشا قانتتىڭ ورتاشا باعاسى كەلىسىنە - 493 تەڭگە بولدى. ەڭ تومەن باعا - ماڭعىستاۋ وبلىسىندا. وندا قانتتىڭ كەلىسى - 442 تەڭگە. ال قانتى ەڭ قىمبات ءوڭىر - قاراعاندى وبلىسى. مۇندا قانتتىڭ كەلىسى 564 تەڭگەدەن ساۋدالانىپ جاتىر. ساۋدا جانە ينتەگراتسيا مينيسترلىگىنىڭ ساۋدا دەپارتامەنتى كۇن سايىن دۇكەندەر مەن سۋپەرماركەتتەردەگى الەۋمەتتىك ماڭىزى بار ازىق- تۇلىك تاۋارلارىنىڭ باعاسىنا مونيتورينگ جۇرگىزەدى»، - دەپ ءمالىم ەتتى مينيسترلىكتىڭ باسپا ءسوز قىزمەتى قازاقپارات ءتىلشىسىنىڭ ساۋالىنا وراي.
ۆەدومستۆو اقپاراتىنا سايكەس، 13-شىلدەدەگى ەلدەگى قانت باعاسى:
نۇر-سۇلتان ق. - كەلىسى 495-850 تەڭگە؛
الماتى ق. - كەلىسى 445-740 تەڭگە؛
شىمكەنت ق. - كەلىسى 529-800 تەڭگە؛
اقمولا وبلىسى - كەلىسى 780 تەڭگە؛
اقتوبە وبلىسى - كەلىسى 489-638 تەڭگە؛
الماتى وبلىسى - كەلىسى 459-850 تەڭگە؛
اتىراۋ وبلىسى - كەلىسى 680-800 تەڭگە؛
شىعىست قازاقستان جانە اباي وبلىستارى - كەلىسى 850-980 تەڭگە؛
جامبىل وبلىسى - كەلىسى 551-900 تەڭگە؛
باتىس قازاقستان وبلىسى - كەلىسى 483-650 تەڭگە؛
قاراعاندى وبلىسى - كەلىسى 730-905 تەڭگە؛
قوستاناي وبلىسى - كەلىسى 520-930 تەڭگە؛
قىزىلوردا وبلىسى - كەلىسى 518-800 تەڭگە؛
ماڭعىستاۋ وبلىسى - كەلىسى 489-850 تەڭگە؛
پاۆلودار وبلىسى - كەلىسى 690-900 تەڭگە؛
سولتۇستىك قازاقستان وبلىسى - كەلىسى 330-770 تەڭگە؛
تۇركىستان وبلىسى - كەلىسى 518-800 تەڭگە.
ەسكە سالا كەتەيىك، بۇل ۋاقىتقا دەيىن قازاقستان رەسەيدەن 168 مىڭ توننا قانت ساتىپ الاتىنىن جازعان ەدىك. سونىمەن قاتار، الداعى ۋاقىتتا ەلدەگى قانت تاپشىلىعىن بولدىرماۋ ماقساتىندا اۋىل شارۋاشىلىعى مينيسترلىگى قانت ءوندىرۋدى دامىتۋ جونىندە كەشەندى جوسپار ازىرلەمەك.
