13:08, 14 - شىلدە 2022 | GMT +6
گەوساياسي تاۋەكەلدەر تەڭگەگە قاتتى قىسىم كورسەتۋدە
نۇر-سۇلتان. قازاقپارات - گەوساياسي تاۋەكەلدەر مەن رۋبل باعامىنىڭ قۇبىلمالىلىعى تەڭگەگە قاتتى قىسىم كورسەتتى.
بۇل تۋرالى ۇلتتىق بانك ءتوراعاسى عالىمجان ءپىرماتوۆ ايتتى، دەپ حابارلايدى قازاقپارات ءتىلشىسى. «گەوساياسي تاۋەكەلدەر مەن رۋبل باعامىنىڭ جوعارى قۇبىلمالىلىعى تەڭگە باعامىنا قاتتى قىسىم كورسەتتى. وسى جاعدايدا قارجى تۇراقتىلىعىن قامتاماسىز ەتۋ جانە تەڭگە باعامىن تۇراقسىزداندىراتىن اۋىتقۋلارعا جول بەرمەۋ ماقساتىندا ۆاليۋتا نارىعىن تەڭدەستىرۋ جونىندە ءبىرقاتار شارالار قابىلداندى»، - دەدى ۇلتتىق بانك ءتوراعاسى ۇكىمەتتىڭ كەڭەيتىلگەن وتىرىسىندا.
عالىمجان ءپىرماتوۆتىڭ اتاپ وتۋىنشە، ۇلتتىق بانكتىڭ ناقتى ۆاليۋتالىق ينتەرۆەنتسيالارى داعدارىس كەزەڭىندە ۆاليۋتا نارىعىنىڭ قالىپتى جۇمىس ىستەۋىن قامتاماسىز ەتتى.
