تەڭگە باعامىنا اسەر ەتەتىن نەگىزگى فاكتورلار اتالدى

نۇر-سۇلتان. قازاقپارات - ۇلتتىق بانك ءتوراعاسىنىڭ ورىنباسارى ءاليا مولدابەكوۆا تەڭگە باعامىنا اسەر ەتەتىن نەگىزگى فاكتورلار مەن ۆاليۋتا نارىعىنداعى جاعداي تۋرالى ايتتى، - دەپ حابارلايدى ۇلتتىق بانك باسپا ءسوز قىزمەتى.

ماۋسىمنىڭ قورىتىندىسى بويىنشا تەڭگە باعامى ءبىر دوللار ءۇشىن 470,24 تەڭگەگە دەيىن نەمەسە 13,3 پايىزعا السىرەدى. نارىقتاعى مۇنداي وزگەرىستەرگە سىرتقى فاكتورلارمەن قاتار ىشكى فاكتورلار دا سەبەپشى بولعان. ءبىرىنشى كەزەكتە، ا ق ش دوللارى پوزيتسياسىنىڭ كۇشەيگەنىن اتاپ وتكەن ءجون، دەدى مامان.

«ىشكى فاكتورلار اراسىندا - ديۆيدەندتەر تولەۋ كەزەڭىندە زاڭدى تۇلعالار تاراپىنان ۆاليۋتاعا سۇرانىستىڭ ارتۋى جانە ەكسپورتتاۋشىلاردىڭ سالىقتى تولەۋگە ساتۋدىڭ قىسقارۋىنا بايلانىستى ۆاليۋتا ۇسىنىسىنىڭ تومەندەۋى.

كۆازيمەملەكەتتىك سەكتور كومپانيالارىنىڭ شامامەن 480,4 ميلليون ا ق ش دوللارىن قۇراعان ۆاليۋتالىق ءتۇسىمىن ساتۋى جانە ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتانى ساتۋ ۇسىنىس جاعىنان ۆاليۋتا نارىعىنا قولداۋ كورسەتتى»، - دەدى ءاليا مولدابەكوۆا.

ماۋسىم ىشىندە ۇلتتىق بانك ىشكى ۆاليۋتا نارىعىندا ۆاليۋتالىق ينتەرۆەنتسيالار جۇرگىزبەدى، نارىق سەنتيمەنتى مەن قۇبىلمالى بولۋى نارىق جاعدايىنا سايكەس كەلگەن.

«ايىرباستاۋ باعامىنىڭ وزگەرمەلى رەجيمىندە تەڭگە ءۇشىن قۇبىلمالىلىقتىڭ بولۋى قالىپتى جاعداي ەكەنىن اتاپ وتكىم كەلەدى»، - دەدى ۇلتتىق بانك ءتوراعاسىنىڭ ورىنباسارى.

كۇندىزگى ساۋدا قورىتىندىسى بويىنشا، دوللاردىڭ ورتاشا باعامى 8,12 تەڭگەگە ءوسىپ، 473,38 تەڭگە بولدى.

ايتا كەتەيىك، دوللاردىڭ 12-شىلدەدەگى رەسمي باعامى 464,85 تەڭگە بولعان ەدى.