ۇكىمەت باسشىسى: اباي، ۇلىتاۋ، جەتىسۋ وبلىستارىنىڭ دامۋىنا قوسىمشا سەرپىن بەرۋ قاجەت

نۇر-سۇلتان. قازاقپارات - جاڭادان قۇرىلعان اباي، ۇلىتاۋ، جەتىسۋ وبلىستارىنىڭ دامۋىنا قوسىمشا سەرپىن بەرۋ قاجەت.

بۇل تۋرالى ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى. «مەملەكەت باسشىسىنىڭ شەشىمىمەن ءۇش وبلىس اشىلدى. ولار: اباي، ۇلىتاۋ، جەتىسۋ وبلىستارى. ءبىراق، بۇل وبلىستاردى ۇيىمداستىرۋ جۇمىستارى ءالى دە جۇرگىزىلىپ جاتىر. وسى ۇيىمداستىرۋ جۇمىستارى تولىعىمەن بىتكەننەن كەيىن عانا ولار ارناۋلى كەشەندى الەۋمەتتىك- ەكونوميكالىق دامۋ جوسپارلارىن دايىنداپ، ۇكىمەتتە بەكىتەتىن بولادى»، - دەدى ۇكىمەت باسشىسى «Qazaqstan» ۇلتتىق تەلەارناسىنىڭ «جاڭا قازاقستان» باعدارلاماسىنا بەرگەن سۇحباتىندا.

ونىڭ اتاپ وتۋىنشە، بۇل وبلىستار جاڭادان اشىلعاننان كەيىن ولارعا ەرەكشە كوڭىل ءبولىنىپ، قوسىمشا كومەك كورسەتىلۋى قاجەت.

«سوندىقتان وسىنداي كەشەندى جوسپار قابىلدانادى. وسى وبلىستاردى قۇرۋ شەشىمىنىڭ ءوزى اتالعان ايماقتا تۇراتىن حالىقتىڭ الەۋمەتتىك- ەكونوميكالىق جاعدايىن جاقسارتۋعا وڭ ىقپالىن تيگىزىپ وتىر. ۇكىمەت تاراپىنان قاراجات ءبولىنىپ، وسى وبلىستاردىڭ دامۋىنا قوسىمشا سەرپىن بەرۋ قاجەت»، - دەدى ءاليحان سمايىلوۆ.

وسىعان دەيىن ۇكىمەت باسشىسىنىڭ باسپانا باعاسىن قالاي تۇراقتاندىرۋعا بولاتىنى تۋرالى پىكىرىن بەردىك.