08:01, 12 - شىلدە 2022 | GMT +5
تارازدى قويۋ ءتۇتىن باستى
نۇر-سۇلتان. قازاقپارات - كەشە ساعات 20.00-دە تارازداعى «كازفوسفات» جشس مينەرالدى تىڭايتقىشتار زاۋىتىنان شىققان قويۋ ءتۇتىن قالاعا تارادى، دەپ حابارلايدى قازاقپارات وبلىس اكىمدىگىنىڭ باسپا ءسوز قىزمەتىنە سىلتەمە جاساپ.
الدىن الا جۇرگىزىلگەن تالداۋلاردىڭ ناتيجەسى بويىنشا فتور قوسىلىستارىنىڭ شامالى جوعارىلاعانى بايقالادى. قازىرگى ۋاقىتتا مينەرالدى تىڭايتقىشتار زاۋىتى مەن قالانىڭ سانيتارلىق شەكاراسىندا ازوت سەكىلدى باسقا زاتتاردىڭ كوبەيۋى انىقتالماعان. وبلىس اكىمىنىڭ تاپسىرماسىمەن ەكولوگتار، توتەنشە جاعدايلار دەپارتامەنتىنىڭ ماماندارى جانە باسقا دا جاۋاپتى تۇلعالاردىڭ قاتىسۋىمەن جۇمىس توبى قۇرىلدى.
«جۇمىس توبىن جامبىل وبلىسى اكىمىنىڭ ورىنباسارى رۇستەم داۋلەت باسقارادى. قازىرگى ۋاقىتتا باسقا دا ايماقتاردا زەردەلەۋ جۇمىستارى جالعاسۋدا. تۇرعىنداردى سابىر ساقتاپ، تەك رەسمي اقپاراتقا سەنۋگە شاقىرامىز!»، - دەپ حابارلادى اكىمدىكتەن.
