قازاقستاندا شىلدەدە اۋا رايى قانداي بولادى؟

None
None
نۇر-سۇلتان. قازاقپارات - «قازگيدرومەت» ر م ك سينوپتيكتەرى شىلدەگە ارنالعان اۋا رايى بولجامىن ۇسىندى.

شىلدەنىڭ ءبىرىنشى ونكۇندىگىندە قازاقستاننىڭ باسىم بولىگىندە سيكلوندىق بەلسەندىلىك جانە اتموسفەرالىق فرونتتار اسەرىنەن تۇراقسىز اۋا رايى ساقتالادى. جاڭبىر جاۋادى، كەي جەرلەردە نوسەر بولادى: قازاقستاننىڭ باتىس وبلىستارىندا ايدىڭ باسىندا، رەسپۋبليكانىڭ قالعان بولىگىندە شىلدەنىڭ ءبىرىنشى ونكۇندىگىنىڭ ورتاسىندا.

«كۇن كۇركىرەپ، جاڭبىر، بۇرشاق جاۋادى، جەل ەكپىنى 15-25 م/س دەيىن كۇشەيەدى. وسى كەزەڭدە سولتۇستىك تەڭىزدەر ايماعىنان سۋىق اۋا ماسسالارى ىعىسىپ، رەسپۋبليكانىڭ سولتۇستىك جارتىسىندا تۇندە تەمپەراتۋرا فونى 5+13+ گرادۋس، كۇندىز اۋا تەمپەراتۋراسى 18+28+ گرادۋستان 12+17+ گرادۋسقا دەيىن تومەندەيدى، رەسپۋبليكانىڭ وڭتۇستىك جارتىسىندا تۇندە 20+25+ گرادۋستان +12+20 گرادۋسقا دەيىن، كۇندىز 30+38+ گرادۋستان 23+30+ گرۋداسقا دەيىن اپتاپ بولادى»، - دەلىنگەن حابارلامادا.

شىلدەنىڭ ءبىرىنشى ونكۇندىگىنىڭ اياعى مەن ەكىنشى ونكۇندىگىنىڭ باسىندا كۇن ىسيدى. اۋا تەمپەراتۋراسى كۇندىز كوتەرىلەدى:

رەسپۋبليكانىڭ وڭتۇستىك- باتىس جارتىسىندا 30+40+ گرادۋسقا دەيىن،

سولتۇستىكتە، ورتالىقتا جانە شىعىستا 25+33+ گرادۋسقا دەيىن.

ايدىڭ ورتاسىندا رەسەيدىڭ ەۋروپالىق اۋماعى ايماقتارىنان كەلەتىن سۋىق اۋا ماسسالارى اۋا تەمپەراتۋراسىنىڭ تومەندەۋىنە اسەر ەتەدى. رەسپۋبليكانىڭ باسىم بولىگىندە نايزاعاي ويناپ، جاڭبىر جاۋادى، وڭتۇستىك جانە باتىس وبلىستارىندا قۇمدى داۋىل تۇرىپ، جەل كۇشەيەدى.

«ايدىڭ ەكىنشى جارتىسىندا اۋا تەمپەراتۋراسى تۇراقسىز بولادى دەپ كۇتىلەدى: رەسپۋبليكانىڭ وڭتۇستىك جارتىسىندا تۇندە 15+20+ گرادۋستان 18+25+ گرادۋسقا دەيىن، كۇندىز 25+30+ گرادۋستان 35+42+ گرادۋسقا دەيىن، سولتۇستىك جارتىسىندا تۇندە 10+15+ گرادۋستان 15+20+ گرادۋسقا دەيىن، كۇندىز 20+28+ گرادۋستان 28+35+ گرادۋسقا دەيىن»، - دەلىنگەن حابارلامادا.

سوڭعى جاڭالىقتار