قازاقستاندا كوروناۆيرۋس ىندەتىنىڭ تارالۋى ارتىپ كەلەدى - مينيسترلىك
بۇل تۋرالى دەنساۋلىق ساقتاۋ مينيسترلىگىنەن ءمالىم بولدى، دەپ حابارلايدى قازاقپارات ءتىلشىسى.
تاراتىلعان مالىمەتكە قاراعاندا، COVID-19 اۋرۋىنىڭ تارالۋى باسقا ەلدەردە دە ءوسىپ كەلەدى.
ماسەلەن، كوروناۆيرۋس ينفەكتسياسىنا قاتىستى الەمدىك ستاتيستيكا دەرەكتەرى بويىنشا سوڭعى 7 كۇندە ىندەت جۇقتىرۋ كورسەتكىشى 15 پايىزعا، ءولىم-ءجىتىم 3 پايىزعا ءوستى.
«سوڭعى اپتادا قازاقستاندا ىندەتتى جۇقتىرۋدىڭ 457 جاعدايىنىڭ 391 ءى نەمەسە 85 پايىزى الماتى جانە نۇر-سۇلتان قالالارىنا تيەسىلى. جۇرگىزىلگەن تالداۋ كەزىندە پاتسيەنتتەردىڭ 80 پايىزى ك ۆ ي- گە قارسى ۆاكسينا الماعان ادامدار ەكەنى، سونداي-اق ۆاكسينالاۋدان كەيىن 6 ايدان استام ۋاقىت وتكەن ادامدار ەكەنى انىقتالدى. بۇل دەرەكتەر ۆاكتسينالاۋ ك ۆ ي ينفەكسياسىنان قورعاۋدىڭ جانە ۇجىمدىق يممۋنيتەتتى قالىپتاستىرۋدىڭ جالعىز ءتيىمدى قادامى ەكەنىن كورسەتىپ وتىر»، - دەلىنگەن مينيسترلىك مالىمەتىندە.
قازىرگى ۋاقىتتا تاۋلىگىنە 20-21 مىڭ ەكپە جاسالادى. وسى باعىتتاعى جۇمىستار جالعاسىپ كەلەدى.
«رەسپۋبليكادا كوروناۆيرۋس ينفەكتسياسىنا قارسى ءۇش ۆاكسينا بار. جالپى 2,3 ميلليون دوزا ەكپە قامتاماسىز ەتىلدى. ك ۆ ي بويىنشا تۇراقتى ەپيدەميولوگيالىق جاعدايدى قامتاماسىز ەتۋ ءۇشىن ءتيىستى جۇمىستار اتقارالىپ جاتىر. اسىرەسە، كوروناۆيرۋس اۋرۋى بويىنشا جوعارى تاۋەكەل توبىنا كىرەتىن ادامدار ريەۆاكسيناتسيادان وتكەنى دۇرىس»، - دەپ اتالىپ وتكەن حابارلامادا.