ا ق ش تۇركياعا جويعىش قارۋىن جەتكىزۋگە نيەتتى
ساياساتكەرلەر قول الىسىپ ۋكرايناداعى قارۋلى قاقتىعىسقا بايلانىستى پىكىر الماستى. اق ءۇي باسشىسى ارىپتەسىنە شۆەتسيا مەن فينلياندياعا قاتىستى كەلىسىمگە كەلگەنى ءۇشىن ريزاشىلىعىن ءبىلدىرىپ، تۇركياعا ا ق ش- تىڭ F-16 جويعىش قارۋىن جەتكىزۋگە نيەتتى ەكەنىن ءبىلدىردى.
دجو بايدەن، ا ق ش پرەزيدەنتى:
- پرەزيدەنت مىرزا، ءسىزدى قايتا كورگەنىمە قۋانىشتىمىن. فينليانديا مەن شۆەتسياعا قاتىستى ماسەلەنىڭ ءتۇيىنىن تارقاتۋ ءۇشىن جاساعان جۇمىسىڭىزعا العىسىمدى بىلدىرەمىن. سونىمەن قاتار ۋكراينا مەن رەسەيدەن بيداي ەكسپورتىنا قاتىستى ۇلكەن جۇمىس اتقارعانىڭىزعا راحمەت. بۇل ماسەلەلەردى الداعى ۋاقىتتا دا سىزبەن تالقىلاۋعا مۇددەلىمىن.
رەجەپ تايىپ ەردوعان، تۇركيا پرەزيدەنتى:
- بيداي ەكسپورتى مەن وزگە دە ماسەلەلەرگە قاتىستى شەشىمگە ديپلوماتيالىق تۇردە قول جەتكىزەتىنىمىزگە ءۇمىتتىمىن. بيدايسىز قالعان ەلدەر بار. ولارعا كومەك كورسەتۋ كەرەك.