10:29, 30 - ماۋسىم 2022 | GMT +5
پۋتين: قاۋىپ تونسە، قاراپ وتىرمايمىز
نۇر- سۇلتان. قازاقپارات - رەسەي پرەزيدەنتى شۆەتسيا مەن فينليانديانىڭ ناتو- عا قوسىلۋ قادامىنا وراي پىكىر ءبىلدىردى، دەپ حابارلايدى «حابار 24».
پۋتين كرەملدىڭ بۇعان قارسى ەمەستىگىن، ءبىراق اتالعان ەلدەردىڭ اۋماعىندا اسكەري ينفراقۇرىلىم قۇرىلسا، قارىمتا جاۋاپ بولاتىنىن ەسكەرتتى.
ۆلاديمير پۋتين، رەسەي پرەزيدەنتى:
- فينليانديا مەن شۆەتسياعا كەلەتىن بولساق، جالپى بىزدە بۇل ەلدەرمەن ۋكراينداعىداي جەر داۋى جوق. ناتو- عا كىرگىسى كەلسە، كىرە بەرسىن. الايدا بۇعان دەيىن بولماعان قاۋىپ- قاتەر تۋىنداپ وتىرعانىن ناقتى ءتۇسىنۋ قاجەت. ەگەر ناتو- نىڭ اسكەرى مەن ينفراقۇرىلىمى ورنالاستىرىلسا، وندا ءبىز دە ءدال سونداي ارەكەتتەرگە بارامىز. ول انىق نارسە. بۇل ەلدەرمەن قارىم- قاتىناسىمىمىز جاقسى بولاتىن، ەندى ارامىز سالقىنداي تۇسەدى. بۇل ءسوزسىز.
