ءولىم القابىندا جانارمايسىز قالعان تۋريست قايتىس بولدى

نۇر-سۇلتان. قازاقپارات - امەريكالىق ءولىم القابى تابيعي پاركىندە تۋريست قايتىس بولدى. جەرگىلىكتى ب ا ق- تىڭ مالىمەتىنشە، تۋريستىڭ كولىگىنە جانارماي تاۋسىلىپ، جانارماي قۇيۋ بەكەتىنە جەتۋگە تىرىسىپ، +50 گرادۋس ىستىقتا جولعا شىقتى، - دەپ حابارلايدى Kaz.tengritravel.kz ءتىلشىسى Tourprom سايتىنا سىلتەمە جاساپ.

تۋريستىڭ كولىگىن ءولىم القابى ۇلتتىق ساياباعىنىڭ رەيندجەرى تاپتى. ول كۇننىڭ شىعۋى مەن باتۋىن تاماشالايتىن تانىمال ورىن زابريسكي-پوينتتا ءۇش كۇن قوزعالىسسىز تۇرعان. ناتيجەسىندە رەيندجەر ونى تەكسەرەدى جانە ءتۋريستىڭ كولىكتىڭ «جانارمايسىز» ەكەنى تۋرالى جازباسىن تابادى. سودان كەيىن ءتۋريستى ىزدەۋ باستالادى، ءبىراق كەش بولادى.

مارقۇم - وتستاۆكاداعى تەڭىز وفيتسەرى دەۆيد كەللەحەر ءوز كولىگىنەن ەكى ميلدەن استام جەردە جانە كاليفورنيا تاس جولىنان 30 فۋت قاشىقتىقتا ءولى كۇيىندە تابىلدى.